Црна хроника
Царинската управа: Полски државјанин во црни кеси скрил девизи, спречен обид за нелегално изнесување поголема сума албански леки

Спречен обид за нелегално изнесување непријавени девизи во висина од 1.890.000 албански леки, што е околу 18 илјади евра, откога полски државјанин на излез од државава, на граничниот премин Деве Баир, спротивно на законот не ги пријавил кај царинските службеници.
„Поради постоење сомнеж, автомобилот со полски регистерски таблички и патникот што патувал со сопатник се упатени на детален преглед, при што под задните седишта во близина на отворот на резервоарот во црни најлонски кеси, како и во личните работи во ранците, пронајдени се 3.952.000 албански леки, што е околу 38 илјади евра. Во согласност со Законот за девизнто работење, нерезиденти може да изнесат од државава до десет илјади евра, при што на двајцата патници им се вратени албански леки во вкупен износ од 2.062.000 леки или 20.000 евра, а преостанатите што не биле пријавени и за кои не поседувале документ привремено се задржани“, велат од Царинската управа.
Против возачот е поднесена пријава за девизен прекршок, а девизите во согласност со регулативата ќе ѝ бидат предадени на Народната банка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Приведен криминалец баран со потерница за затворска казна од две години

Полицијата го приведе С.А. (32) од Скопје, баран со централна потерница по наредба од Основен кривичен суд Скопје за затворска казна од две години, а во врска со чл. 236 ст.1 од КЗ.
С.А. ќе биде спроведен до надлежната казнено поправна установа.
Црна хроника
Прегазен малолетник во Виничко: го удрил 15-годишник со мопед

Синоќа во 20.10 часот во Полициската станица Виница, било пријавено дека во с.Блатец, виничко, мопед „априлија“ без регистарски таблици, управуван од 15-годишник од с.Блатец, удрил во малолетен пешак од Куманово, по што возачот го напуштил местото на настанот.
Во несреќата со тешки телесни повреди се здобил пешакот, констатирани во Комплексот клиники „Мајка Тереза“ во Скопје.
Извршен бил увид од увидна екипа од ОВР Виница.
Црна хроника
Скопјанец истепал малолетничка на паркинг на Средно Водно

Вчера во 16.50 часот на паркинг простор на Средно Водно, полициски службеници од СВР Скопје го лишиле од слобода И.С.(44) од Скопје.
Тој бил претходно пријавен од З.С.(57) од Скопје.
Според полицијата, околу 16.20 часот, на паркингот неговата малолетна ќерка, при качување во автобус, била физички нападната од пријавениот.
По целосно документирање на случајот ќе следува соодветен поднесок.