Црна хроника
Шверцот на мигранти повторно актуелен – откриени петмина Пакистанци на Богородица
Спречен обид за шверц на мигранти на граничниот премин Богородица. Во 3.30 часот од страна на гранична патрола, во соработка со мобилна единица во правец на Гевгелија, во обид да биде сопрено возило „ауди“ со штипски регистарски ознаки, возачот почнал да бега. Станува збор за Е.А. (30) од Радовиш, кој бил фатен, а при преглед на неговото возило се пронајдени петмина мигранти од Пакистан на возраст од 18 до 28 години, сите со грчки документи.
Е.А. е лишен од слобода, а по целосно документирање на случајот, ќе биде поднесен соодветен поднесок. Мигрантите се задржани во Полициската станица за граничен надзор Богородица, информира полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Малолетник нападнат на автобуска постојка на Бит Пазар
Синоќа на автобуска постојка на подрачјето на Бит Пазар, две лица физички нападнале малолетник од Скопје.
MВР информираше и за уште еден случај на напад на истото место, што се случил вчера.
„Р.Б.(54) од Скопје пријавил дека околу 19.15 часот на автобуска постојка на подрачјето на Бит Пазар бил физички нападнат од едно лице“, стои во полицискиот билтен.
Се преземаат мерки за расчистување на случаите.
Топ
Почина маж од Демир Капија кој бил најден во бессознание во река
Пред два дена во Полициската станица Гевгелија било пријавено дека дека околу 08.15 часот, на место викано „Смрдлива вода“, во реката било пронајдено машко лице во бессознание.
„Полициски службеници излегле на местото и било констатирано дека се работи за Н.С.(63) од Демир Капија“, соопшти МВР во дневниот билтен.
Лицето било пренесено во Комплексот клиники „Мајка Тереза“ во Скопје, каде што во 17.30 часот лекар констатирал смрт. По наредба на јавен обвинител, телото на починатиот било дадено на обдукција.
Црна хроника
Залутан куршум заврши на кровот на куќа во Скопје, МВР на терен
А.Б.(68) од Скопје вчера пријавил дека околу 15.00 часот во неговиот двор паднало заталкано зрно од огнено оружје и го оштетило кровот од неговата куќа.
Полициски службеници од Полициската станица Драчево го подигнале зрното за понатамошна постапка.
Се работи на расчистување на случајот.