Црна хроника
Шест возачи се лишени од слобода поради безобѕирно управување со моторно возило

Во текот на изминатиот викенд, шест возачи се лишени од слобода поради безобѕирно управување со моторно возило, соопштуваат од Министерството за внатрешни работи. Најголем дел од случаите се однесуваат на возење под дејство на алкохол.
Во Прилеп на улицата „Пеце Котески“, полициски службеници од ОВР Прилеп го привеле М.С. од Скопје, кој управувал товарно возило „Ивеко“. При контрола било утврдено дека има 1.90 промили алкохол во крвта.
На улицата „Борис Кидриќ“ во Штип, полицијата го привела Д.К. (37) од село Шлегово, Кратово, кој управувал патничко возило „Алфа Ромео“ со кратовски регистарски ознаки. Алкотестот покажал 1.52 промили алкохол.
Во Кичево на локалниот пат меѓу селата Вранештица и Староец, се случила сообраќајна незгода во која учествувале две возила. Кај возачот М.Ц. (33) од Кичево, кој управувал „Мицубиши“, било утврдено дека имал 1.72 промили алкохол.
На регионалниот пат Желино – Јегуновце, во село Прељубиште, тетовско, полицијата го привела Д.М. (58) од село Жилче, кој управувал „Ланчија“ со тетовски регистарски ознаки. Тој излетал од коловозот, а алкотестот покажал 2.24 промили алкохол.
Во Гевгелија, на булеварот „Гевгелија“, П.П. (30) од село Миравци управувал возило под дејство на 2.01 промили алкохол, при што предизвикал сообраќајна незгода со материјална штета на две паркирани возила.
На автопатот Скопје – Тетово, во близина на бензинска пумпа, полицијата го привела Н.В. (31) од Куманово, кој управувал „БМВ“ со кумановски регистарски ознаки. Тој возел со 175 км/ч на делница каде што дозволената брзина е 80 км/ч.
Од МВР информираат дека сите лица се приведени и против нив се поведени соодветни кривични постапки
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Малолетници се закануваат и се тепаат крвнички, случаите се пријавени во полиција

Во Скопје вчера биле пријавени два одделни случаи на меѓуврсничко насилство.
Првиот случај го пријавила мајката на 14-годиишно девојче, дека подолг временски период три малолетнички ја следеле, вознемирувале и упатувале закани на најзината ќерка.
-Вчера во 13:30 часот во СВР Скопје, С.П.(44) од Скопје пријавила дека подолг период три малолетнички ја следеле, вознемирувале и упатувале закани на најзината 14-годишна ќерка, додека на 24.09.2025 ѝ упатиле закани преку мобилна апликација, стои во полискиот билтен.
За настанот е известен јавен обвинител и се преземаат мерки за рачистување на случајот.
Вториот случај го пријавил таткото на малолетно момче, кое физички било нападнато од неколку негови соученици.
-Во СВР СКопје вчера во 13:45 часот, Т.Т.(57) од Скопје пријавил дека на 25.09.2025 околу 11:30 часот во спортска сала од основно училиште на подрачјето на Чаир, неговиот малолетен син бил физички нападнат од неколку негови соученици, се вели во полицискиот билтен.
Се преземаат мерки за расчистување и на овој случај.
Топ
Превезувал мигранти и удрил полициски службеник во обид да избега

На автопатот Граничен премин Табановце – Куманово, вчера околу 16:30 часот полициски службеници го лишиле од слобода М.Б. (25) од Неготино, кој превезувал мигранти и удрил полициски службеник во обид да избега.
-На автопатот Граничен премин Табановце – Куманово, вчера околу 16:30 часот полициски службеници од Полициската станица за граничен надзор Сопот при Регионалниот центар за гранични работи Север го лишиле од слобода М.Б. (25) од Неготино. Претходно, полициските службеници забележале дека од возилото „мазда“ со пробиштипски регистарски ознаки, кое го управувал, излегле неколку лица мигранти. Потоа, откако му дале знак за запирање, тој се бидел да побегне и со возилото удрил еден полициски службеник, но набргу бил совладан и лишен од слобода, се вели во соопштението од МВР.
Лицето е задржано во полициска станица и се преземаат мерки за пронаоѓање на мигрантите и за целосно расчистување на случајот.
Црна хроника
Возач со ауди усмрти 83-годишен пешак на патот од Горно кон Долно Лисиче

Денеска во 08:15 часот во СВР Скопје е пријавено дека на патот Горно Лисиче – Долно Лисиче во Скопје, патничко возило „ауди а6“ со скопски регистарски ознаки, управувано од Г.Д. (30) од Скопје, удрило во пешакот Т.Ѓ.(83) од Скопје.
Во несреќата со тешки телесни повреди се здобил Т.Ѓ., констатирани во Комплекс клиники „Мајка Тереза“ Скопје, каде што подоцна починал. Лекар констатирал смрт, а увид извршиле јавен обвинител и увидна екипа од СВР Скопје.
По насоки на јавен обвинител возачот Г.Д. е лишен од слобода и по целосно документирање на случајот ќе следува соодветна пријава.