Црна хроника
Ѓорѓе Давид не ја напуштил Македонија и утрово се јавил во судот, соопштија од Јавното обвинителство

Основното јавно обвинителство Куманово ја известува јавноста дека мерките на претпазливост определени кон странскиот државјанин, кој учествуваше во тешката сообраќајна несреќа кај Табановце, сè уште се во сила.
„Во согласност со информациите што ги има Обвинителството до овој момент, тој не ја напуштил државата и утрово се јавил во судот како што му е определено. Резултатите од наредените вештачења неопходни за да се расчистат причините за сообраќајната несреќа сè уште не се пристигнати до Обвинителството“, велат од таму.
Во сообраќајната несреќа првин се судриле два автомобила, „фолксваген поло“, со кумановска регистрација, и „фолксваген голф“, со скопски регистарски таблички. До судирот дошло кога возачот на еден од автомобилите влегол на автопатот во спротивна насока.
„По тој првичен судир, од автомобилот излегла сопатничката од возилото со кумановска регистрација и во тој момент на неа налетал автомобил ‘опел инсигнија’, со српски регистарски таблички. Од ударот жената добила тешки телесни повреди, од кои починала“, се наведува во соопштението на Обвинителството.
Како што се додава, издадена е наредба за обдукција на жртвата, но и за преглед на примероци од крв и урина на другите учесници.
Собрани се траги и материјални докази, кои ќе бидат предмет на вештачење за прецизно да се утврдат причините за сообраќајната несреќа“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Проголтал пакување со кокаин, па бил пренесен во болница во Охрид: кривична против 30-годишник

СВР Охрид поднесе кривична пријава против 30-годишниот М.Ј. од Охрид, поради постоење основи на сомнение за сторено продолжено кривично дело „спречување на докажување“ по член 368 од Кривичниот законик.
Тој, на 07.03.2025 во 17.10 часот, од И.Д. од Охрид, набавил кокаин, по што бил пресретнат од полициските службеници од Oдделението за недозволена трговија со дрога.
Притоа, М.Ј. со намера да го спречи пронаоѓањето на опаковката со кокаин како предмет за докажување на кривичното дело, ја проголтал, по што бил пренесен во Општата болница во Охрид.
Црна хроника
Насилство во Струшко: кршел во домот и бил агресивен со семејството

Вчера во 15.30 часот во ОВР Струга е пријавено дека, Д.М. од струшкото село Враништа, во семејниот дом бил агресивен кон членовите на семејството и оштетил дел од покуќнината.
По целосно документирање на настанот, ќе биде поднесена соодветна пријава.
Топ
50-годишник од Охрид повеќепати силувал малолетничка, која се породила во март годинава

СВР Охрид поднесе кривична пријава против 50-годишниот С.Т. од Охрид, поради постоење основи на сомнение за сторено кривично дело „силување дете кое не наполнило 15 години“.
Тој, во текот на 2024 година во повеќе наврати сексуално злоупотребувал малолетничка од Охрид, која во март 2025 година се породила.
На пријавениот одредена му е мерка притвор во траење од 30 дена.