Без нејзина согласнот, 19-годишна девојка од Гостивар била предадена за брак во Шуто Оризари по што била силувана.

Според твдењето на девојката во полицијата, зад присилниот брак стоел татко ѝ, кој ја омажил за Р. М. (26) од Шуто Оризари. Таму неколку дена била чувана затворена од нивна страна и врз неа била извршена обљуба, соопшти МВР.

Од полицијата пријавија дека за настанот се приведени две лица. По документирање на случајот, против нив ќе биде поднесена соодветна пријава.

26 годишниот радовишанец кој е осомничен дека извршил полов напад врз малолетничка која не наполнила ниту 14 години, ставен под истрага, известуваат надлежните органи.

Постои сомнение дека осомничениот 26-годишник од Радовиш извршил обљуба врз малолетничка. Јавен обвинител веќе извршил разговор со осомничениот, кој не го негирал извршувањето на делото. Во насока на обезбедување докази, надлежниот обвинител издал и наредби за вештачења на траги, разговори со сведоци, како и за психијатриски вештачења на осомничениот и на оштетената.

Струмичкото јавно обвинителство донело наредба за спроведување истражна постапка за лицето за кое постои основано сомнение дека сторило кривично дело – полов напад врз дете кое не наполнило 14 години казниво по Кривичниот законик.

До судијата на претходна постапка од Основниот суд во Струмица јавниот обвинител поднесе предлог за определување мерки на претпазливост – забрана за напуштање на живеалиште/престојувалиште, привремено одземање на патната исправа, обврска да се јавува повремено во Судот, како и забрана за приближување и остварување контакти со жртвата., се вели во известувањето од налдежните институции.

Скопското Основно јавно обвинителство поднесе обвинение против едно лице за тешки дела против општата сигурност и недозволено изработување, држење, посредување и тргување со оружје.

Обвинетиот на 4 јануари, пред куќа на улицата „Јабланица“ во Скопје, опожарил паркиран автомобил „ауди“.

Притоа употребил бензин и предизвикал експлозија.

Со пожарот кој се разгорел обвинетиот предизвикал значителна опасност по имот од поголеми размери, бидејќи огнот се проширил и кон други автомобили паркирани во близина, зафаќајќи директно уште едно возило „форд мондео“.

Со дејствијата обвинетиот предизвикал материјална штета од 348.088 денари на сопственикот на целосно опожареното „ауди“, како и 8.759 денари за сопственикот на делумно опожарениот автомобил „форд мондео“.

При претрес во домот на обвинетиот, на 5 февруари во село Варава, бил пронајден полуавтоматски пиштол марка „црвена застава М57“ со калибар 7,62Х25 милиметри, два куршума во рамка, како и уште 54 други куршуми од истиот калибар.

Надлежниот јавен обвинител предложил на обвинетиот да му биде продолжена претходно определената мерка куќен притвор, додека на сила и натаму се и дополнителни мерки за претпазливост – одземање на пасошот и забрана за прибилижување или комуникација со оштетените.​