Разбојник ја скршил влезната врата на финансиско друштво во Скопје, влегол внатре и украл пари.

Вчера околу 05:00 часот во СВР Скопје е пријавено дека во периодот од 19:00 часот на 09.02.2026 до 04:40 часот на 10.02.2026 со употреба на сила и подесен алат е скршено стакло од влезна врата на објект на финансиско друштво на подрачјето на Гази Баба во Скопје, по што е влезено внатре и се одземени пари.

Се преземаат мерки за расчистување на случајот.

Вчера нешто пред 17 часот, на улицата Његошева во Скопје се случи сообраќајна несреќа во која 69-годишната В.Д. заврши со телесни повреди.

Возилото што ја удрило било „рено“ со скопски регистарски таблички, а зад воланот бил 46-годишниот А.С. Наместо да застане и да ѝ помогне, возачот – според пријавата во СВР Скопје – побегнал од местото на настанот.

Повредената жена била пренесена во Комплексот клиники „Мајка Тереза“, каде што лекарите ѝ констатирале телесни повреди. Полицијата веднаш презела мерки за лоцирање на возачот, кој бил пронајден и со него бил извршен службен разговор.

Според информациите од СВР Скопје, за случајот е известен јавен обвинител, а по целосно документирање на настанот ќе биде поднесена соодветна пријава.

Двајца разбојници ограбиле жена на улица во Аеродром. Од МВР информираат дека дел од украдените предмети се најдени и вратени на жената.

Полицијата поднесе кривична пријава против Д.М.(18) и Г.Д.(25), двајцата од Скопје, поради основано сомнение за сторено кривично дело „тешка кражба“ на дрзок начин.

Имено, тие се сомничат дека на 10.02.2026 околу 06:30 часот на подрачјето на општина Аеродром на 53-годишна жена и одзеле ранец во кој имало пари, документи, мобилен телефон и други предмети. Дел од предметите се пронајдени и вратени на оштетената.