Црна хроника
178 санкционирани возачи во Скопје, 61 за брзо возење
Секторот за внатрешни работи Скопје во текот на вчерашниот ден (18.5.2023) продолжи со контролите во областа на сообраќајот.
На територијата на град Скопје изречени се вкупно 178 мерки, меѓу кои за возење повеќе од дозволената брзина 61 санкција, 12 мерки за возење без возачка дозвола, четири санкции за непрописно престројување.
Изречени се три мерки за возење под дејство на алкохол, три санкции минување на затворен сигнал (црвено светло).
Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тетовец со автомобилот удри во малолетен пешак
Вчера на улицата Љубо Божиновски – Пиш во Тетово, патничко возило „опел вектра“ со тетовски регистарски ознаки, управувано од М.Р.(33), удрило во малолетен пешак од градот.
Во несреќата со тешки телесни повреди се здобил малолетникот, констатирани во Клиничка болница Тетово, објави МВР во дневниот билтен.
Извршен бил увид.
Топ
Исчезнаа седум Непалци кои работеле во скопски фирми
Седум лица од Непал исчезнаа во текот на вчерашниот ден.
Според информациите, тие работеле во две скопски фирми, а им се губи трага речиси истовремено, во текот на вчерашниот ден.
Петмина работеле во приватна фирма во општина Аеродром, а случајот во МВР го пријавил сопственикот на компанијата во 14 часот.
Останатите двајца, според пријавата за помалку од два часа, се оддаелечиле од хотелот каде престојувале.
Се преземаат мерки за пронаоѓање на лицата, велат од МВР.
Црна хроника
Неготинец го запалил домот на родителите и покрај судската забрана да се приближува да нивната куќа
Дваесет и седумгодишен неготинец со иницијали .М.А. доби кривична пријава од полицијата, откако предизвика пожар во домот на неговите родители, и покрај судската забрана да се приближи таму.
Спорд информациите од МВР, тој во повеќе наврати упатил закани на неговите родители, а по изречена мерка „забрана да се приближува на растојание на 100 метри до домот“ од Основен суд Неготино, во два наврати ја прекршил, а кога отишол во нивниот дом предизвикал пожар.
Мажот се гони за загрозување на сигурноста, две кривични дела предизвикување општа опасност и две кривични дела неизвршување на судска одлука.