Црна хроника

Четиричлено семејство од Македонија загина во сообраќајка во Хрватска

Објавено пред

12 години

- 18 август, 2009

Од

Целото семејството Трајкови од струмичко утринава загина во сообраќајна несреќа пред Загреб

Четиричлено семејство од мајка, татко и две деца на возраст од 5 години и 16 месеци загинаа во оссбраќајната несреќа која се случи денес во 7 часот на автопатот Брегана-Липовец кон Загреб. Хрватската полиција потврди дека во несреќата настрадале Ѓорѓи (30), неговата сопруга Ристена (25) и нивните деца Вероника и Константин Трајкови од струмичкото село Зубово. Причините за несреќата допрва треба да се утврдат но семејното возило „сеат алхамбра“ свртело кон лентата за запирање и се забило во задниот лев дел од полуприколка на камион со српски регистарски ознаки кој стоел. Oд првичната истрага е утврдено дека возилото се движело со брзина од 160 км на час а смртта настапила моментално. Истрагата продолжува. „Возачот на камионот Раденко.Т. (27) од Чачак изјави дека само минута пред ударот запрел бидејќи му се причинило дека товарот во приколката се поместил. Токму во тој момент кога имал намера да излезе од камионот почуствувал силен удар од автомобилот во кој во истиот момент загинале сите патници“ изјави Степан Франиќ истражен судија во жупанскиот суд во Славонски Брод.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Нападнат работник на ЕВН во Сингелиќ

Претходно

Две тешки кражби во гостиварско

Црна хроника

Приведен крадец од Куманово – украденото пронајдено

Објавено пред

5 часа

- 20 јануари, 2022

Од

Макфакс

26-годишен жител на Куманово бил приведен бидејќи извршил кражба во стовариште.

Според информации од полицијата, вчера, во 13.30 часот, полициски службеници од СВР Куманово го лишиле од слобода С. А. (26) од Куманово бидејќи непосредно пред тоа извршил кривично дело кражба во стовариште на улицата Биљановска во Куманово, при што кај него биле пронајдени украдените предмети.

Тој бил приведен во Полициската станица Куманово и по целосно документирање на случајот, против него ќе биде поднесена соодветна пријава.

Прикажи повеќе...

Црна хроника

Се запали автомобил во Карпош, огнот зафати и други возила

Објавено пред

22 часа

- 19 јануари, 2022

Од

Макфакс

Синоќа на подрачјето на Карпош настанал пожар на патничко возило „фиат пунто“, со скопски регистарски ознаки, сопственост на З.Ј.(61) од Скопје.

Од МВР соопштија дека нема повредени лица, а од пожарот биле зафатени уште две патнички возила, „цитроен ц4“, сопственост на В.А.(70) од Скопје и „југо корал“ сопственост на Н.С.(70) од Скопје, двете со скопски регистарски ознаки.

Од страна на Бригадата за противпожарна заштита пожарот бил изгаснат.

Извршен бил увид од полициска екипа.

Прикажи повеќе...

Црна хроника

Скопјанец од Топаана со нож ја нападнал соседката, па се вмешала и ќерката – има повредени

Објавено пред

22 часа

- 19 јануари, 2022

Од

Макфакс

Крвава драма се случувала во скопската населба Топаана кога маж со нож ја нападнал соседката. Потоа нејзината малолетна ќерка му го зела ножот и го нападнала него.

„Синоќа во населбата Топаана, додека М.С.(47) од Скопје бил во неговиот дом со семејството, дошол соседот Н.И.(46) од Скопје и започнал вербална расправија, која прераснала во меѓусебна физичка пресметка. Малку подоцна во дворот Н.И. со остар предмет ја повредил С.Д.(46), сопруга на М.С., а нивната малолетна ќерка му го одзела остриот предмет и со него го нападнала Н.И.. Со повреди се здобиле С.Д. и Н.И., по што биле пренесени во Градската општа болница „Св.Наум Охрдски“ и Комплексот клиники „Мајка Тереза“ за укажување на лекарска помош“, велат од МВР.

Се работи на расчистување на случајот.

Прикажи повеќе...