Армискиот МИ – 17 се вратил расипан од ремонт во Словачка

Не може да се утврди каде е застаната постапката за случајот со хеликоптерската несреќа кај Блаце во која загинаа 11 војници на АРМ. По извештајот на комисијата на Владата, последна е информацијата дека на барањете на Јавното обвинителство за 100.000 евра за вештачење во странство за причините за несреќата, Владата одобрила само 60.000. Инаку, во текот на постапката во континуитет се појавуваа нови докази поради што и не се знае каково вештачење ќе се бара од засега непозната странска агенција. Семејствата на загинатите војници беа примени од преставници на сите парламентарни групи како и од Претседателот на Републиката, Ѓорге Иванов со барање и Парламентот и Претседателот да се заложат за утврдување на причините и виновниците за несреќата. Последни официјални извори од истрагата утвдиле дека во целиот случај е вплеткана и група околу генералот Методи Стамболиски кој во 2004 година беше началник на Генералштабот на АРМ. Како што е познато Методи Стамболиски е еден од судените во аферата „ тенковски делови “ во која заедно со Владо Бучковски и двајца поранешни високи функционери од Министерството за одбрана се осудени на по 3, 5 години затвор односно 3 години затвор. По нивната жалба се очекува решението на Апелациониот суд Скопје.