Црна хроника

Што е причината за хаваријата на „Илинден“

Објавено пред

11 година

- 5 септември, 2009

Од

Очевидец кој сака да остане анонимен за www.forum.com.mk вели дека причината за потонувањето на бродот е дефект на системот за управување

Според исказот на нашиот соговорник инаку искусен во бродењето, дошло до пукање на контролните сајли по што бродот почнал да се движи во цик-цак линија губејќи го правецот и вртејќи се во круг. Во тие моменти патниците се наведнале на едната страна по што се откачила елисата и бродот едноставно подивеал, вели нашиот соговорник. Како една од причините се наведува и можната претовареност на бродот. Официјално на него имало 45 патници колку е отприлика и неговата носивост, но некои од очевидците велат дека според нив на бродот имало најмалку пеесетина лица. Од СВР Охрид задолжениот службеник за контакти со медиумите при овој вонреден случај, изјави дека истражниот судија и екипи вршат увид и дека ќе следува официјално соопштение. „Капетанот е млад но искусен, не заеме ниту дали е меѓу преживеаните“, изјави за www.forum.com.mk близок пријател на капетанот на „Илинден“.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Бугарската Влада официјално соопшти дека во несреќата се удавиле 15 лица

Претходно

„Илинден“ потонал за четири минути

Црна хроника

Скопјанец сам ја ограбил фирмата за која работи, па пријавил разбојништво-приведени две лица

Објавено пред

10 часа

- 23 ноември, 2020

Од

Макфакс

Деветнаесегодишен скопјанец испланирал грабеж на сопствената фирма, по што пријавил во полиција разбојништво.

„ Полициски службеници од ЕВР ОКР Гази Баба по добиени оперативни сознанија ги приведоа М.М. (22) и Р.М. (19) од Скопје а во врска со пријавено кривично дело разбојништво на 18.11.2020, при што бил одземен дневниот промет од фирма за брза достава на пратки.

Разбојништвото го испланирал вработениот Р.М. откако претходно се договориле со М.М. и на локалниот пат с.Чифлик-с.Рженичино кај место викано кисела вода, откако Р.М. ги доставил сите пратки и ги собрал парите, на посоченото место М.М. со дигалка го скршил стаклото од возачката врата на службеното возило на фирмата, по што ги поделиле парите од дневниот промет, а потоа вработениот Р.М. пријавил на 192 дека наводно му било извршено разбојништво.

По документирање на случајот ќе следи соодветна пријава.

Прикажи повеќе...

Црна хроника

Приведени крадци од Скопје, краделе во црквата Св. Недела во Катланово

Објавено пред

12 часа

- 23 ноември, 2020

Од

Макфакс

Полицијата денеска приведе две лица во скопското село Катланово, кои утрото извршиле тешка кражба во црквата Св.Недела во Катланово.

„Денеска (23.11.2020) во с.Катланово-скопско од страна на полициски службеници од Полициско одделение Петровец приведени се Д.Т. (46) и А.Н. (39), кои денеска меѓу 07 и 09 часот извршиле тешка кражба во црквата Св.Недела во Катланово. По документирање на кривично правниот настан ќе биде изготвена соодветна кривична пријава до надлежното обвинителство“ соопшти МВР.

Прикажи повеќе...

Црна хроника

Катастарски службеник нелегално доделил земјиште на површина од 393 квадратни метри

Објавено пред

17 часа

- 23 ноември, 2020

Од

Макфакс

Единицата за економски и компјутерски криминал при СВР Скопје поднесе кривична пријава против 49-годишниот Т. А. за кого посотојат сомнежи дека како службеник во Агенција за катастар на недвижностите (АКН) сторил кривично дело несовесно работење во службата.

Пријавениот во текот на 2014 година, во врска со предмет оформен врз основа на пријава поднесена од страна на извесна М. Ц. од Скопје, која побаралa од Катастарот да се изврши усогласување на површината на имот во нејзина сопственост во Оризари, постапил несовесно при извршување на службената должност.

Имено, иако требало, тој не ја зел предвид потребната скица како дел од службена документација за парцелата предмет на усогласување, со што извршил погрешна идентификација, односно погрешно утврдување на мерите и границите на парцелата, при што изготвил службен наод со невистинити податоци.

На тој начин Т. А. ѝ овозможил на подносителката на пријавата нелегално да стекне земјиште со површина од 393 квадратни метри (во вредност од 1.965.000) и истовремено, од друга страна, за истиот износ му нанел значителна штета на лицето М. Б. од Скопје, со што го сторил кривичното дело несовесно работење во службата.

Прикажи повеќе...