Црна хроника
Бугарските туристи допатувале во Охрид „на црно“

Групата бугарски туристи која ја доживеа бродската несреќа во Охридскот Езеро, во која загинаа 15 лица, престојувала без договори и без туристичко осигурување
Бугарската агенција Новостите утрово пренесе дека патниците кои се наоѓале на „Илинден“ патувале без догвор и осигурување.Информацијата се базира на изјава на бугарскиот министер за туризам Трајчо Трајков, кој синоќа имал состанок со 38-те преживеани од несреќата кај Елешец. Од вкупно 55 бугарски државјани кои биле со оваа група, покрј овие преживеани, возачот на автобусот и бугарскиот водич на групата воопшто не се качиле на бродот.За бугарските власти сомнително е што и сите туристи во Охрид престојвале во приватно сместување а не во хотели. Министерот Трајков изјавил дека компанијата која го организирала патувањето наводно ги немала ниту потребните лиценци, па е покрената голема истрага и проверка на нивното работење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Возило на 26-годишник оштетено од неколку проектили од огнено оружје: полицијата го расчистува случајот

Вчера околу 21:20 часот во СВР Скопје, 26-годишниот Ш.Ј. од село Крушопек, општина Сарај, пријави дека на паркинг простор пред угостителски објект во село Лака, скопско, неговото паркирано патничко возило „сеат алтеа“ со скопски регистарски ознаки било оштетено од неколку проектили од огнено оружје.
Се преземаат мерки за расчистување на случајот.
Црна хроника
Тешко повредена 29-годишна жена од Битолско по пад од трактор

Вчера во 19:20 часот во СВР Битола е пријавено дека на регионалниот пат Р-2333 Битола-Драгош, на крстосница за село Барешани, додека 30-годишниот Р.М. од село Острец, битолско, управувал трактор „тафе“ со приколка, неговата сопатничка У.М.(29) од истото село, паднала од тракторот, при што се здобила со тешки телесни повреди констатирани во Клиничка болница Битола.
Извршен е увид од увидна екипа на СВР Битола.
Црна хроника
14-годишник нападнат на трим-патека во Кисела Вода од повеќе малолетници

Вчера во 14:30 часот во СВР Скопје, 54-годишниот Д.Х. од Скопје пријави дека на 09.08.2025 околу 22:30 часот на трим патека на подрачје на Кисела Вода во Скопје, неговиот 14-годишен син, додека бил со неговиот брат и другарка, по претходна расправија, бил физички нападнат од повеќе малолетници, кои ги познава и кои носеле и метални предмети.
Се преземаат мерки за расчистување на случајот