Црна хроника
Момчето ослободено, киднаперите во бегство
![](https://makfax.com.mk/wp-content/uploads/2016/10/198780a9-1ad7-47d9-a32a-5df0d50cca99-8.jpeg)
Киднапираното деветгодишно момче е ослободено синоќа, а во бегство се двајцата осомничени
Според полициски сознанија А.Б. (19) од селото Тисовица и А.С. (19) од Скопје, вчера попладне го грабнале деветгодишниот син на Етеми. Полицијата извршила претрес на нивните домови, но не успеале да ги уапсат. Двајцата киднапери веќе побегнале. Министерството за внатрешни работи распиша интерна потерница по нив, а најави и кривична пријава. Мотивите за грабнувањето се уште се истражуваат од МВР. Киднапираното дете е син на Фатмир Етеми, угледен и богат човек, кој на последните локални избори беше кандидат за градоначалник на општина Чаир од редовите на Нова Демократија. “Се уште се истражува и мотивот на грабнувањето, иако според првичните претпоставки станува збор за изнуда на пари со оглед на тоа што таткото на грабнатото дете добил еден заканувачки повик за да подготви пари, а дополнителни насоки, како што било најавено требало да му бидат дадени денеска“, велат од МВР.Осомничените веќе неколку пати биле приведувани, но само за поситни криминални дела. Деветгодишното момче беше киднапирано, вчера попладне околу 16,30 часот, во близина на паркот во Чаир додека заедно со негов другар се возеле со велосипеди. Киднаперите им попречиле го патот со бел автомобил од марката “фиат браво“ со скопски регистрации, а потоа на сила го ставиле детето во автомобилот. Со голема брзина побегнале кон скопската населба Бутел. По пријавата за киднапирањето, во полицијата биле повикани повеќе лица за кои постоеле сомневања дека имаат информации кои ќе помогнат во пронаоѓање на киднапираното момче. Околу 21,30 часот, киднаперите го ослободиле деветгодишниот син на Етеми на раскрсницата на улицата Босна и Херцеговина и улицата Словенија. Момчето и раскажало на полицијата дека киднаперите го однеле во напуштена куќа во Визбегово, каде под кирија живеел еден од грабнувачите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.