Црна хроника
МВР демантира дека биле блокирани влезовите кон Скопје

Министерството за внатрешни работи демантира дека биле блокирани сите патни пристапи кон Скопје со што според организаторите на протестот за повлекување на енциклопедијата многу граѓани биле спречени да дојдат на најавените протести
Во соопштението на Министерството за вантрешни работи се анведува дека пропаднатите очекувања на организаторот не треба да бидат оправдувани со лаги и клевети за наводно „грубо прекршување на човековите права“, како што обвинија организаторите на денешниот протест протви Македонската енциклопедија на МАНУ.Бројноста на протестот и поддршката која што ја доби организаторот воопшто не е предмет на интерес на полицијата. Полицијата единствено има ингеренции околу обезбедувањето на јавниот ред и мир при протестите и со задоволство може да соопштиме дека истите поминаа без никакви инциденти, провокации или какви било посериозни проблеми. Заслуга за ваквиот исход има организаторот, но и целиот тим кој учествуваше во изготвување на Оперативниот план и проценките за ангажирање на соодветен број полициски службеници, посочува МВР.До Секторот за внатрешна контрола досега нема никаква поплака за притисок или противзаконско постапување на полицијата, а дали протестите имаа слаб одзив заради апсурдноста на барањата или од други причини се прашања кои би ги толкувале аналитичарите, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени три лица за криумчарење мигранти од Египет

Полицијата приведе три лица на автопатот Куманово – Табановце за криумчарење мигранти од Египет.
Полициски службеници вчера ги лишиле од слобода А.Р.(26) од с.Студеничани, скопско, Б.Б.(26) од Радовиш и А.Ш.(31) од Радовиш.
Имено, во 19.45 часот на автопатот Куманово – Табановце, кај Костурник, полициски службеници забележале патничко возило „ауди“ со струмички регистарски ознаки, управувано од Б.Б., а сопатник бил А.Ш., и патничко возило „фолксваген пасат“ со скопски регистарски ознаки, управувано од А.С., во кои биле превезувани мигранти.
Возилата не застанале на даден знак за запирање и продолжиле движење, но набргу била запрени и во нив биле пронајдени осум лица мигранти од Египет.
Мигрантите биле пренесени во Транзитен центар Табановце, а по преземени било утврдено дека за А.С. има распишано три потерници и тој со другите две лица биле предадени во Полициската станица Куманово за понатамошна постапка.
Црна хроника
На ГП табановце приведени две лица – едното за шверц на дрога, другото за фалсификувана возачка дозвола

Вчера на Гранишниот премин Табановце се приведени две лица – едното за шверц на дрога, другото за фалсификувана возачка дозвола.
Околу 09:30 часот од страна на полициски службеници од ГП „Табановце“ уапсен е Х.О. (22) полски државјанин кој што со патничко возило „Рено меган“ со полски национални ознаки сакал да оствари влез во нашата земја. Лицето е приведено затоа што при дополнителна контрола врз возилото во истото била пронајдена пластична тегла со опојна дрога – марихуана, како и една дробилка.
На истиот граничен премин вчера околу 17:25 часот од слобода е лишено и лицето В.А. (39) српски државјанин при обид за влез во државава со мопед марка „Aprillia RSV4“ со швајцарска национална ознака. При гранична контрола лицето на увид приложило швајцарска возачка дозвола на негово име за која што по дополнителна контрола со помош на претставници на „Фронтекс“ било констатирано дека е целосен фалсификат.
Топ
Едно и пол годишно бебе донесено без знаци на живот на Детска клиника

Бебе од Скопје без знаци на живот било донесено на Детска клиника, соопшти полицијата.
Имено вчера во 07.30 часот во СВР Скопје, од Детска клиника Скопје било пријавено дека кај нив во 06.40 часот било донесено едноиполмесечно машко бебе од Скопје без знаци на живот.
Лекар констатирал смрт, а по насоки на јавен обвинител телото на бебето било предадено на обдукција.