Црна хроника
Неделава запленети 220 штеки цигари

Во средата на граничнот премин Деве Баир во автомобил со бугарски таблички управуван од Романец, македонските цариници открија 210 непријавени штеки цигари
Романскиот државјанин кој бил придружуван од сопатник негов сонародник на излез од Македонија се обиделе да ги пренесат цигарите од романско и молдавско без бандероли. Најпрвин во возилото кое од македонските цариници било селектирано по случаен избор, биле откриени 180 штеки цигари, а по информативниот разговор со двајцата под патосниците на автомобилот биле најдени и другите 30 штеки. Во четвртокто, пак, на граничниот премин Јажинце, при редовна царинска контрола на „bmw“, пријавено за влез во Македонија а управувано од лице со иницијали M.M од Тетово, во пределот позади предните седишта и пред совозачкото седиште на возилото, царинските службеници открија 13 непријавени штеки цигари со Косовски бандероли (LUCKY STRIKE, WEST, MARLBORO, BOSS).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсени три лица за криумчарење мигранти од Египет

Полицијата приведе три лица на автопатот Куманово – Табановце за криумчарење мигранти од Египет.
Полициски службеници вчера ги лишиле од слобода А.Р.(26) од с.Студеничани, скопско, Б.Б.(26) од Радовиш и А.Ш.(31) од Радовиш.
Имено, во 19.45 часот на автопатот Куманово – Табановце, кај Костурник, полициски службеници забележале патничко возило „ауди“ со струмички регистарски ознаки, управувано од Б.Б., а сопатник бил А.Ш., и патничко возило „фолксваген пасат“ со скопски регистарски ознаки, управувано од А.С., во кои биле превезувани мигранти.
Возилата не застанале на даден знак за запирање и продолжиле движење, но набргу била запрени и во нив биле пронајдени осум лица мигранти од Египет.
Мигрантите биле пренесени во Транзитен центар Табановце, а по преземени било утврдено дека за А.С. има распишано три потерници и тој со другите две лица биле предадени во Полициската станица Куманово за понатамошна постапка.
Црна хроника
На ГП табановце приведени две лица – едното за шверц на дрога, другото за фалсификувана возачка дозвола

Вчера на Гранишниот премин Табановце се приведени две лица – едното за шверц на дрога, другото за фалсификувана возачка дозвола.
Околу 09:30 часот од страна на полициски службеници од ГП „Табановце“ уапсен е Х.О. (22) полски државјанин кој што со патничко возило „Рено меган“ со полски национални ознаки сакал да оствари влез во нашата земја. Лицето е приведено затоа што при дополнителна контрола врз возилото во истото била пронајдена пластична тегла со опојна дрога – марихуана, како и една дробилка.
На истиот граничен премин вчера околу 17:25 часот од слобода е лишено и лицето В.А. (39) српски државјанин при обид за влез во државава со мопед марка „Aprillia RSV4“ со швајцарска национална ознака. При гранична контрола лицето на увид приложило швајцарска возачка дозвола на негово име за која што по дополнителна контрола со помош на претставници на „Фронтекс“ било констатирано дека е целосен фалсификат.
Топ
Едно и пол годишно бебе донесено без знаци на живот на Детска клиника

Бебе од Скопје без знаци на живот било донесено на Детска клиника, соопшти полицијата.
Имено вчера во 07.30 часот во СВР Скопје, од Детска клиника Скопје било пријавено дека кај нив во 06.40 часот било донесено едноиполмесечно машко бебе од Скопје без знаци на живот.
Лекар констатирал смрт, а по насоки на јавен обвинител телото на бебето било предадено на обдукција.