Црна хроника
21-годишник обвинет за пет кражби, меѓу украдените предмети 29 таблет-уреди и 15 литри зејтин
Против 21-годишен скопјанец е поднесено обвинение за сторени четири кривични дела тешка кражба, како и едно кривично дело кражба.
Како што информираат од Обвинителството, разбојникот на 17 октомври насилно провалил во просториите на невладина организација на улицата Вашингтонска, од каде што одзел 28 таблети, еден лаптоп, еден панел за греење, две греалки, електричен бокал и три пакети со прехранбени производи, во вкупна вредност од 232.200 денари.
Во временскиот период меѓу 20 и 22 октомври насилно, отворајќи го прозорецот од бањата, провалил во куќа на еден оштетен на улицата Црноок и одзел четири теписи, 15 литри зејтин и еден фен за коса, во вкупна вредност од 27.400 денари.
На 28 октомври на сличен начин обвинетиот влегол во куќа на улицата Вашингтонска, од каде што одзел телевизор вреден 15.000 денари.
На 30 октомври од друга куќа на истата улица одзел таблет – смарт пад, вреден 6.000 денари, и избегал.
Обвинетиот на 3 ноември го искористил невниманието на еден оштетен, кој бил во фризерски салон на улицата Индира Ганди, па од дворот на фризерницата му го украл електричниот тротинет вреден 30.000 денари.
Надлежниот јавен обвинител до Основниот кривичен суд Скопје доставил предлог за продолжување на претходно определената мерка притвор за обвинетиот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Насилство во Скопје: жена нападната од поранешниот партнер, ја натепал и нејзината малолетна сестра и им го кршел инвентарот
Дваесет и петгодишна жена од Скопје пријавила дека на 27 септември, околу 13.30 часот, во семејниот дом на подрачјето на Драчево таа и нејзината малолетна сестра биле физички нападнати од нејзиниот поранешен партнер А. Ф. (34) од Скопје.
Притоа мажот искршил и дел од покуќнината.
Од МВР велат дека по целосно документирање на случајот, ќе следува соодветен поднесок.
Во дневниот полициски билтен има уште неколку пријавени случаи на семејно насилство.
Денеска 34-годишна жена пријавила дека на 29 септември околу 18.00 часот во семејниот дом во Скопје, на подрачјето на Ѓорче Петров, била физички нападната од нејзиниот сопруг Ј.К. од Скопје.
Истиот ден, 29-годишна жена пријавила дека на подрачјето на општина Аеродром, била физички нападната од нејзиниот сопруг З.С.(34) од Скопје.
Надворешната канцеларија за криминалистички работи Гостивар поднесе кривична пријава против С.С. (36) од Скопје, поради постоење основи на сомнение за сторено кривично дело „телесна повреда“ во врска со семејно насилство. На 31.08.2024 пред продажен објект во Гостивар, пријавениот физички ја нападнал својата партнерка, при што и нанел телесна повреда, објави МВР.
Црна хроника
Кривична пријава за 82-годишен прилепчанец поради полово вознемирување малолетници
Полицијата поднесе кривична пријава против П.Н.(82) од прилепско село, поради постоење основи на сомнение за полово вознемирување.
На 26 август во селото, пријавениот, полово вознемирувал три малолетници, објави МВР во дневниот билтен.
Црна хроника
Татко со закана ги зел своите деца од прифатен центар за бездомници, каде што биле со мајката, полицијата го приведе
Синоќа, на подрачјето на Гази Баба, полицијата го приведе А. Ш. (24) од Скопје по претходна пријава дека околу 19.30 часот во прифатен центар за бездомни лица во селото Визбегово, Скопско, со закана со остар предмет и физичка сила, од својата 23-годишна вонбрачна сопруга ги одзел двете малолетни деца.
Известен бил Центарот за социјална работа, а малолетниците биле вратени на мајка им.
По целосно документирање на случајот, ќе следува соодветна кривична пријава, објави МВР.