Црна хроника
Полицијата заплени поголемо количество марихуана

Полицијата во два одвоени случаи приведе две лица за недозволена трговија со наркотици и пронајде поголемо количество марихуана и кокаин
Како што е соопштено денеска, полицијата кај М.Џ (40) од Скопје пронашла вкупно 92 килограми марихуана и 69 стебла марихуана високи до 2,5 метри, кои ги одгледувал во дворот на својата куќа и под пластеник.М.Џ е приведен, а вредноста на марихуаната пронајдена кај него, која била наменета за домашниот нарко пазар се проценува на над 150 илјади евра.Во вториот случај, полицијата кај лицето А.Ш (35) од Скопје пронашла 1,23 килограми марихуана, 57,1 грама кокаин, како и 339 семки од канабис сатива.А.Ш., кој спред полициските информации подолго време се занимавал со недозволена препродажба на дрога по скопските дискотеки и ноќни клубови, рекол дека годинава од непознато лице купил поголемо количество марихуана и кокаин. Тој кокаинот го препакувал во помали количини за да го продава на наркозависници. Цената на една паковка од околу половина грам кокаин на нарко пазарот чини околу 50 евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Двајца малолетници од Лабуништа направија сообраќајка, едниот возел мотор, другиот тротинет

Во селото Лабуништа, Струшко, се случи сообраќајна несреќа помеѓу двајца малолетници.
Едниот управувал мотоцикл „априлија“ без регистарски таблици, а вториот – електричен тротинет. Двајцата се од Лабуништа, соопшти МВР.
Во несреќата со тешки телесни повреди се здобил малолетникот кој го управувал тротинетот, констатирани во Специјалната болница „Св.Еразмо“ во Охрид. Извршен бил увид.
Црна хроника
Полицаецот ги користел запленетите пари и накит за да си отплати долгови, па рекол дека шкафот му е обиен – Обвинителството со детали

Донесена е наредба за спроведување на истражна постапка против полицаецот од Гостивар кој украл накит и пари запленети при претреси.
Осомничениот како како крим техничар бил ангажиран на увид во кој биле пронајдени предмети – парични средства во износ од 25.000 евра и златен накит кои тој ги фотографирал и подигнал.
По извршениот увид во рамките на своите службени должности настанот и предметите уредно биле внесени во дневната книга на настани и ЦЕМС системот.
„Осомничениот направил неколку обиди да ги предаде предметите на надлежниот јавен обвинител, но поради немање услови за чување во обвинителството, по насоки на јавен обвинител тој ги заклучил во неговиот шкаф во работната просторија. Предметите биле таму сѐ до моментот кога, иако му биле доверени во службата, одлучил да ги присвои. Така во неколку наврати подигнувал дел од парите и од златниот накит што го разменувал во златарница за парични средства кои понатаму ги користел за отплаќање на долгови. За да ги сокрие трагите, осомничениот ја извадил бравата од шкафот во неговата работна просторија и исценирал дека истиот е обиен“, соопшти Обвинителството.
Во текот на вчерашниот ден, кога неговите колеги го известиле за настанот, односно дека се прави увид во неговата канцеларија заради обиениот шкаф, тој дошол и го признал делото изразувајќи каење.
Предметниот обвинител на судијата на претходна постапка ќе му предложи на осомничениот да му биде определена мерка притвор.
Црна хроника
Седумнаесетгодишник со автомобил излета во Ресен, тешко повредени две млади лица

Возило управувано од 17-годишник, во текот на вчерашниот ден излетало од патот Ресен-Стење, на влезот во селото Царев двор.
Во несреќата со тешки телесни повреди се здобиле возачот, сопатникот С.М.(19) и малолетен сопатник, а со телесни повреди се здобил уште еден малолетен сопатник, сите од Ресен, соопшти МВР.
Извршен бил увид.