Во понеделник околу 15 часот, во српски камион, во сандак под седиште била пронајдена бремена девојка при обид илегално да замине во соседна Србија, соопшти Царинската управа на Македонија

Камионот кој бил управуван од возач со српско државјанство на 17 октомври од Блаце влегол во Република Македонија, а во понеделник бил товарен со цевки во фабрика во Кавадарци кои биле наменети за српска фирма во Ужице. Откако денеска камионот бил пријавен за извоз на граничниот премин Табановце, пред да биде извршена дополнителна проверка со мобилен скенер еден од македонските цариници во кабината слушнал звуци кои наликувале на дишење, по што под задните седишта во сандак била пронајдена 20-годишна девојка, српска државјанка. Од документи за идентификација, кај девојката биле пронајдени лична карта и здравствена легитимација издадени од ограни во Србија, а се претпоставува дека возачот и девојката се брачни партнери.Според првично добиени информации добиени од возачот, девојката била во возилото и при влез во Република Македонија, а истата е во 6-ти месец од бременост и засега не е позната целта на нејзиниот престој во Македонија.