Црна хроника
Запленета фалсификувана и непријавена стока

Информираме дека минатата недела и деновите од викендот, царинските работници, откриле повеќе обиди за влез на фалсификувана и непријавена стока
Притоа, заради основано сомневање дека се работи за фалсификати на заштитени трговски марки, царинските работници од Одделението за оперативни работи, привремено задржаа околу 2.400 различни производи меѓу кои : 70 чифта патики, со лого на заштитените трговски марки „Espirit“ и „Converse“, откриени на на царинската испостава Терминал Увоз Скопје, во камион со македонски регистарски ознаки, натоварено со обувки со потекло од Кина, наменети за фирма увозник од Скопје; 719 парчиња чорапи и долна облека со лого на заштитените трговски марки „Adidas“, „Nike“, „Emporio Armani“, „Calvin Klein“, „Puma“ и „D & G“,на царинската испостава Скопје, во македонски камион натоварен со текстилни производи со потекло од Кина, наменети за фирма увозник од Скопје; 380 рачни часовници и 94 паричници со лого на заштитените трговски марки „Casio“, „Armani“, „D&G“, „Calvin Klein“, „Hugo Boss“ и „Gucci“, кои биле откриени на Деве Баир, на влез во државата во камион со бугарски регистарски ознаки. Возилото било натоварено со разна стока со потекло од Кина, наменета за фирма увозник од Косово. На Деве Баир два дена покасно, цариниците привремено задржала и 70 рала патики со лого на „Puma“, пронајдени турски камион. Возилото било натоварено со спортски обувки и чевли со потекло од Дубаи, наменети за пазарот во Косово. Потоа, отркиени се 275 разни текстилни производи (кошули, блузи, блузони и фармерки) со лого „Empori Armani“, „Armani Jeans“, „Giorgio Armani“, „Tommi Hilfiger“, „Adidas“, „D&G“, „Nike“, „Polo“, „Cavali“, „Gucci“ и „Diesel“, кои биле откриени на Богородица, кога турски камион низ Македонија неприајвено требало да ја превезе стоката за косовска фирма. На истиот граничен премин, на привремено биле задржани и 104 парчиња блузи и блузони со лого на „G. Armani“ исто така во турски камион кој ја носел стоката за Косово. Согласно одредбите од Законот за заштита на интелектуална сопственост, Царинската Управа на Република Македонија, ќе започне постапка за утврдување на оригиналност за предметната стока.Покрај тоа, царинските работници од внатрешните и гранични испостави привремено ја задржале и следната непријавена стока: 231 разни делови за мопед „Томос“, откриени на Табановце-автопат, на влез во Република Македонија, сокриена во автобус со македонски регистарски ознаки; потоа 200 блузи биле откриени на граничниот премин Деве Баир, кога бугарски камион сакал да влезе во Македонија, кои биле најдени при контрола на товарно со мобилен скенер, а преку граничниот премин Делчево македонски државјанин се обидел да прошверцува половна машина за перење и телевизор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На ГП табановце приведени две лица – едното за шверц на дрога, другото за фалсификувана возачка дозвола

Вчера на Гранишниот премин Табановце се приведени две лица – едното за шверц на дрога, другото за фалсификувана возачка дозвола.
Околу 09:30 часот од страна на полициски службеници од ГП „Табановце“ уапсен е Х.О. (22) полски државјанин кој што со патничко возило „Рено меган“ со полски национални ознаки сакал да оствари влез во нашата земја. Лицето е приведено затоа што при дополнителна контрола врз возилото во истото била пронајдена пластична тегла со опојна дрога – марихуана, како и една дробилка.
На истиот граничен премин вчера околу 17:25 часот од слобода е лишено и лицето В.А. (39) српски државјанин при обид за влез во државава со мопед марка „Aprillia RSV4“ со швајцарска национална ознака. При гранична контрола лицето на увид приложило швајцарска возачка дозвола на негово име за која што по дополнителна контрола со помош на претставници на „Фронтекс“ било констатирано дека е целосен фалсификат.
Топ
Едно и пол годишно бебе донесено без знаци на живот на Детска клиника

Бебе од Скопје без знаци на живот било донесено на Детска клиника, соопшти полицијата.
Имено вчера во 07.30 часот во СВР Скопје, од Детска клиника Скопје било пријавено дека кај нив во 06.40 часот било донесено едноиполмесечно машко бебе од Скопје без знаци на живот.
Лекар констатирал смрт, а по насоки на јавен обвинител телото на бебето било предадено на обдукција.
Топ
Кривични пријави против две лица и една фирма за пожарот на депонијата во Шуто Оризари

Полицијата поднесе кривична пријава против двајца велешани и едно правно лице поради пожарот во нелегален отпад во Шуто Оризари
Единицата за економски и компјутерски криминал при СВР Скопје до ОЈО Скопје поднесе кривична пријава против М.К.(40) и А.Н.(46), двајцата од Велес и правно лице со седиште во Шуто Оризари поради основано сомнение за сторено кривично дело „загрозување на животната средина и природата со отпад“.
Тие во временски период од најмалку шест месеци, заклучно со 09.07.2025 на парцели во општина Шуто Оризари во сопственост на М.К. постапиле спротивно на законските одредби и без да поседуваат дозвола за управување на отпад на предметните парцели складирале и транспортирале отпаден материјал, а на 09.07.2025 околу 08.45 часот складираниот отпад се запалил и бил предизвикан неконтролиран пожар.
Од страна на Единицата за атомска, биолошка и хемиска одбрана на Армијата на РСМ извршени се мерења и утврдено е зголемено ниво на загаденост од горењето на складираниот отпад.