Црна хроника
Приведен братот на Мурат Ајвази

Полицијата го приведе братот на Мурат Ајвази, Скендер Ајвази, соопшти во вторникот Министерството за внатрешни работи (МВР)
„Доколку се потврди дека истиот учествувал во инцидентот и дека пукал кон полицијата, против него ќе биде поднесена кривична пријава“, рече портпаролот на МВР Иво Котевски.Потрагата по 21-годишниот Мурат Ајвази од Арачиново, кој вчера побегна при обид да биде уапсен, продолжува и денеска.Ајвази, според полициски извори, најнапред побегнал со возило БМВ, но откако на возилото му се испречил трактор, тој удрил во десната страна од патот. Во автомобилот се наоѓало и 15-годишно девојче, кое поминало без повреди.Осомничениот излегол преку прозорецот од автомобилот и почнал да бега кон околните ниви, при што почнал да пука кон полицијата.Според полициски извори, тој телефонски го побарал брат му Скендер. Набргу потоа кон местото на настанот се упатил голф, со скопски регистерски ознаки, за кој се претпоставува дека бил управуван од брат му.Засега непознато лице од голфот отворило оган кон полицијата, по што автомобилот се упатил и избегал кон селото Брњарци. Екипа на „алфите“ го запрела голфот, но лицето кое го управувало избегало од него. Двете возила се наоѓаат во кругот на МВР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
27-годишен гостиварец обвинет за објавување приватни фотографии и сексистички објави

МВР по неколкумесечна истрага откри и поднесе кривична пријава против 27-годишен маж од Гостивар, К.Н., кој на 28 февруари преку лажен профил на Инстаграм објавувал фотографии од шест девојки од Гостивар, кои ги прибавил без нивна согласност.
Објавите биле придружени со текстови со навредлива, сексистичка содржина.
Пријавениот признал дека ги злоупотребил личните податоци на девојките, а против него е поднесена кривична пријава за злоупотреба на лични податоци.
Лицето е повикано на службен разговор во Полициската станица Карпош, каде што го признало делото.
Црна хроника
Го излажале дека ќе му транспортираат „мерцедес“ од Швајцарија: тетовец останал и без пари и без возило

Вчера во 15.30 часот во СВР Тетово, 46-годишник од тетовско село, пријавил дека бил измамен од лице кое се претставило дека е од Скопје и е претставник на фирма која вршела транспорт на моторни возила Швајцарија во Македонија.
Според пријавеното, во текот на овој месец, тој на социјална мрежа стапил во контакт со лицето и се договориле да му транспортира возило „мерцедес“ од Швајцарија за сума од 1.000 евра.
Како што е пријавено, лицето му пуштило фактура и побарало од него парите да ги прати преку брз трансфер на друго лице.
Исто така, според пријавеното, откако лицето не го презело возилото и му биле наведувани различни причини затоа, тој сфатил дека е измамен. Се преземаат мерки за расчистување и документирање на случајот, соопшти полицијата.
Црна хроника
Уапсен маж од Бразил на Табановце: внел благородни метали и накит со полускапоцени камења

СВР Куманово поднесе кривична пријава против А.К.Ф.(32) од Бразил поради постоење основи на сомнение за сторено кривично дело „внесување на против правно прибавени добра од привремена заштита, културно наследство и природни добра“.
Имено на 10.07.2025 на Граничен премин Табановце, на влез во државата, полициски службеници извршиле контрола при што било констатирано дека пријавениот внел 961 природни реткости (минерали-камења, со различни бои, благородни метали и различен рачно изработен накит со додатоци од полускапоцени камења), а кои се противправно набавени на територија на друга држава, во вредност од 918.000 денари.