Црна хроника
Полицијата го уапси крадецот кој избега од Идризово

Полицијата синоќа во обид за тешка кражба во скопското селото Огњанци го уапсила Б.З. осуденик кој пред два дена избега од затворот Идризово во Скопје и по кого МВР имаше распишано потерница.
Како што информираат од Министерството за внатрешни работи, станува збор за наркозависник кој во периодот од ноември 2009 г. до сега, успеал да направи шест кривични дела и тоа две тешки кражби во обид во моторни возила, една тешка кражба во моторно возило, една тешка кражба во ординација, една разбојничка кражба и едно одземање на моторно возило во обид. Бил осуден на шест години затворска казна која ја опслужувал во отвореното одделение на затворот Идризово од каде во четвртокот успеал да избега.
Во времето додека бил на слобода, во период од ден и пол Б.З. со цел да се стекне со имотна корист се обидел и извршил неколку кражби. Најпрво, веднаш по бегството се обидел да украде возило во Јурумлери, потоа се обидел да провали во куќа и во автомобил во селото Мралино, а вечерта меѓу четвртокот и петокот се обидел да украде велосипед при што нанел лесни телесни повреди на сопственикот на велосипедот. На крај, се упатил во селото Огњанци каде што во обид да укради автомобил бил уапсен.И претходно, крадецот оперирал на подрачјето на скопските села Идризово, Колонија, Трубарево, Петровец и Мралино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Убиство во Кавадарци, тројца уапсени

Денеска во 04:56 часот во ОВР Кавадарци било пријавено дека на заден влез од казино на улицата „Никола Минчев“ во Кавадарци, неколку лица физички нападнале едно лице, кое паднало на земја и на кое му била потребна помош.
Полициски службеници од ОВР Кавадарци излегле на местото и констатирале дека се работи за лицето П.Т.(43) од Кавадарци, кај кое и покрај укажаната помош, екипа од Итна медицинска помош во 05:15 часот констатирала смрт.
Набргу потоа, а поради сомнение за инволвираност во настанот, од слобода биле лишени Д.Б.(26), М.Ѓ.(35) и Д.С.(27), сите од Кавадарци. Тие биле приведени и задржани во полициска станица.
Јавен обвинител од Основното јавно обвинителство Кавадарци и полициски службеници вршат увид на местото, на надзорните камери од казиното и по целосно расчистување и документирање на случајот, против сторителите ќе биде поднесена соодветна пријава.
Црна хроника
На Табановце уапсени двајца странски државјани, кај нив биле пронајдени бела прашкаста материја и таблети

Вчера околу 19:00 часот на Граничен премин Табановце, на влез во државата, полициски службеници ги лишиле од слобода 32-годишниот О.Ј. од Унгарија и 37-годишниот А.Б. од Србија.
При гранична проверка и контрола во возилото „тојота“ со унгарска национална ознака, кое го управувал О.Ј, а сопатници биле А.Б. и уште едно лице од Унгарија, во личниот багаж на О.Ј. биле пронајдени и одземени неколку пакувања со бела прашкаста материја, едно шише со бела прашкаста материја и една кутија со 31 капсули. Додека, во личниот багаж на сопатникот А.Б. биле пронајдени неколку пакувања со бела прашкаста материја и таблети.
Тие биле задржани во полициска станица и по целосно документирање на случајот, против нив ќе бидат поднесени сооддветни пријави.
Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.