Црна хроника
НВО Хоризонт: Болницата во Крива Паланка работи нелагално

Невладината организација „Хоризонт Македонија“ обвини дека в.д директорот на Здравствениот дом Крива Паланка, Радивоје Маџовски и Управата за јавни набавки работат нелегално.
Од „Хоризонт“ обвинуваат дека веќе една година граѓаните од овој град се жалат не нетранспарентната работа на болницата.„Пративме барање до Министерот за здравство, Фондот за здравствено осигурување, МВР и Финансиска полиција да ја разгледаат состојбата, но проблемот се уште не е решен иако е констатирано дека има неправилности во работата на Маџовски кој е член на партијата ДОМ“, рече Ивица Младенов претседател на НВО „Хоризонт Македонија“Од организацијата го повикаа ресорниот министер Бујар Османи што поскоро да ја реши и онака лошата состојба во Здравствениот дом „Крива Паланка“ бидејќи тоа им било ветено на граѓаните на Крива Паланка за време на изборите минатата година.„Немаме ниту регулиран статус на болничките одделенија кои беа укинати кога СДСМ беше на власт“, рече Младенов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
27-годишен гостиварец обвинет за објавување приватни фотографии и сексистички објави

МВР по неколкумесечна истрага откри и поднесе кривична пријава против 27-годишен маж од Гостивар, К.Н., кој на 28 февруари преку лажен профил на Инстаграм објавувал фотографии од шест девојки од Гостивар, кои ги прибавил без нивна согласност.
Објавите биле придружени со текстови со навредлива, сексистичка содржина.
Пријавениот признал дека ги злоупотребил личните податоци на девојките, а против него е поднесена кривична пријава за злоупотреба на лични податоци.
Лицето е повикано на службен разговор во Полициската станица Карпош, каде што го признало делото.
Црна хроника
Го излажале дека ќе му транспортираат „мерцедес“ од Швајцарија: тетовец останал и без пари и без возило

Вчера во 15.30 часот во СВР Тетово, 46-годишник од тетовско село, пријавил дека бил измамен од лице кое се претставило дека е од Скопје и е претставник на фирма која вршела транспорт на моторни возила Швајцарија во Македонија.
Според пријавеното, во текот на овој месец, тој на социјална мрежа стапил во контакт со лицето и се договориле да му транспортира возило „мерцедес“ од Швајцарија за сума од 1.000 евра.
Како што е пријавено, лицето му пуштило фактура и побарало од него парите да ги прати преку брз трансфер на друго лице.
Исто така, според пријавеното, откако лицето не го презело возилото и му биле наведувани различни причини затоа, тој сфатил дека е измамен. Се преземаат мерки за расчистување и документирање на случајот, соопшти полицијата.
Црна хроника
Уапсен маж од Бразил на Табановце: внел благородни метали и накит со полускапоцени камења

СВР Куманово поднесе кривична пријава против А.К.Ф.(32) од Бразил поради постоење основи на сомнение за сторено кривично дело „внесување на против правно прибавени добра од привремена заштита, културно наследство и природни добра“.
Имено на 10.07.2025 на Граничен премин Табановце, на влез во државата, полициски службеници извршиле контрола при што било констатирано дека пријавениот внел 961 природни реткости (минерали-камења, со различни бои, благородни метали и различен рачно изработен накит со додатоци од полускапоцени камења), а кои се противправно набавени на територија на друга држава, во вредност од 918.000 денари.