Црна хроника
Починатото тело на Ангела било растргнато од животни

Според директорот на Судска медицина, д-р Алексеј Дума, починатото тело на исчезнатата Ангела Ѓорѓиовска било растргнато од животни и долг период изложено на атмосферски влијанија
„Не можам да бидам прецизен заради тоа што коските се со дефинитивни промени и врз основа на постморталните промени на малиот број на ковчиња кои што се најдени е невозможно да бидеме прецизни со точното време на умирање“ изјави професор доктор Алексеј Дума.Тој додава дека коските биле долго време изложени на атмосферски влијанија, на сонце, дожд, снег, влијанија на животни, на инсекти.Според Дума, по смртта телото било растргнато од животни. ДНК анализата потврдила дека татко на шестгодишната Ангела е Борче, покрај шпекулациите во јавноста дека тој и бил очув.Со ова завршува работата на судска медицина. Анализата му се предава на истражниот судија, кој треба да го утврди текот на понатамошната постапка.Остатоците од телото беа пронајдени пред две недели кај селото Пештани, по што веднаш беа земени примероци од родителите за споредба на ДНК профилот.Ангела Ѓорѓиоска од мариовско Дуње исчезна на 23 јули минатата година.
Види и: Пронајдените коски се од исчезнатата Ангела
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На Табановце уапсени двајца странски државјани, кај нив биле пронајдени бела прашкаста материја и таблети

Вчера околу 19:00 часот на Граничен премин Табановце, на влез во државата, полициски службеници ги лишиле од слобода 32-годишниот О.Ј. од Унгарија и 37-годишниот А.Б. од Србија.
При гранична проверка и контрола во возилото „тојота“ со унгарска национална ознака, кое го управувал О.Ј, а сопатници биле А.Б. и уште едно лице од Унгарија, во личниот багаж на О.Ј. биле пронајдени и одземени неколку пакувања со бела прашкаста материја, едно шише со бела прашкаста материја и една кутија со 31 капсули. Додека, во личниот багаж на сопатникот А.Б. биле пронајдени неколку пакувања со бела прашкаста материја и таблети.
Тие биле задржани во полициска станица и по целосно документирање на случајот, против нив ќе бидат поднесени сооддветни пријави.
Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.