Денеска, во 15.30 часот, полициски службеници од СВР Kуманово го приведоа Љ. С. (45) од Куманово, кој се барал со потерница од Основниот суд Куманово за издржување казна затвор во траење од една година и шест месеца за извршено кривично дело по чл. 236 од КЗ. Toj e спроведен во КПД „Идризово“, информира полицијата.

Вчера, во 19.12 часот, било пријавено дека во Скопје, на подрачјето на Шуто Оризари, А. М. (19) од Скопје, поради недоразбирање во сообраќајот, бил физички нападнат од три лица, кои потоа извадиле пиштол и испукале неколку куршуми во воздухот. Повредени лица од огненото оружје нема. Се преземаат мерки за расчистување на случајот, соопшти МВР.

Вчера, во 13.15 часот, било пријавено дека во Скопје, на булеварот Партизански одреди, се случила сообраќајна несреќа меѓу патничко возило „фиат“, со скопски регистарски ознаки, сопственост на МВР, управувано од С. Ф. (33) од Скопје, и возило „фолксваген“, со скопски регистарски ознаки, управувано од И. З. (38) од Скопје.

Во незгодата С. Ф. добил сповреди, констатирани во Градската општа болница „Св. Наум Охридски“. Извршен бил увид на местото на незгодата од екипа на СВР Скопје.