Црна хроника
Шест пешаци повредени во сообраќајна несреќа
Неприлагодената брзина со која се движело возилото била причина велешанецот А.Р да го изгуби правецот на движење и дирекно да удри во пешаците
Велешанец прегази шест пешаци. Тешката сообраќајна несреќа се случила синоќа околу еден час по полноќ, на главната сообраќајница во Велес, на улицата Благој Ѓорев, во населбата Тунел. Автомобилот „ланчиа дедра“ кој со голема брзина се движел по сообраќајницата бил управуван од 22 годишниот А.Р. Неприлагодената брзина со која се движело возилото била причина А.Р да го изгуби правецот на движење и дирекно да удри во пешаците П.П (18), Б.Р (19), Д.З ( 23), И.К (27) Б.М (27) и В.С (26) од Велес.Од силниот удар со скршена коска на десната нога се здобил осумнаесетгодишниот П.П, додека другите негови пријатели се здобиле со полесни повреди на глава, граден кош и на екстремитетите. Пешаците се движеле по тротоарот во правец кон своите домови во населбата Тунел додека автомобилот во правец кон центарот на градот. На местото на несреќата увид направиле полицијата, заменик јавен обвинител и истражен судија. Полицијата против А.Р (29) од Велес ќе поднесе кривична пријава за загрозување на безбедноста во сообраќајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.
Црна хроника
На граничниот премин Долно Блаце уапсен маж од Косово
Вчера во 17.20 часот на Граничниот премин Долно Блаце, на влез во државата, полициски службеници го лишиле од слобода 24-годишниот В.И. од Косово, затоа што при извршена пасошка контрола и проверка во оперативна евиденција констатирано било дека евидирал со мерка „апси“ по барање на Интерпол Шведска, извести МВР.
Тој бил предаден на полициски службеници од Полициската станица Кисела Вода за понатамошна постапка.