Црна хроника
Осум кражби викендов во Охрид
Осум кражби се евидентирани викендов на подрачјето на Охрид
Според СВР Охрид, изминатиот викенд евидентирани се едно кривично дело „тешка кражба“, седум дела „кражба“, едно кривично дело “загрозување на сигурноста“, едно кривично дело „измама“, две дела „оштетување“, три нарушувања на јавниот ред и мир и четири сообраќајни незгоди со предизвикана материјална штета.На станичното подрачје на полициската станица Струга, евидентирани се пет кривични дела „тешка кражба“, четири „оштетувања“, едно нарушување на јавниот ред и мир и четири сообраќајни незгоди со предизвикана материјална штета.На подрачјето на полициската станица Кичево, регистрирани се едно кривично дело „измама“, едно кривично дело „тешка кражба“ и еден случај на омаловажување на униформиран полициски службеник.На станичното подрачје на полициската станица Дебар, евидентирани се два случаи на „оштетување“, соопштија од СВР Охрид
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.