Црна хроника
Крвава пресметка во Скопје, Мирсан Криешторе мртов
Едно лице е убиено, а друго со рани и повреди од тепање, пуштено е на домашно лекување, откако биле нападнати од две лица на бул. „Партизански Одреди“ во Скоје, денеска околу 16.30 часот. Напаѓачите уапсени
Убиениот, Мирсан Криешторе (37) и неговиот другар, според првичните сознанија, биле нападнати од две лица на бул. Партизански одреди во Скопје во близина на Универзалната сала.
Двајцата биле истуркани во еден од влезовите на околните згради каде еден од напаѓаќите со пиштол пукал во нив. Криешторе починал по приемот во градската болница од рана во стомакот, а другиот е пуштен на домашно лекување.
Напаѓачите, Харун Хаџибулиќ и Јасмин Лесковица, биле веднаш фатени од полициската единица Алфа, по што се притворени. Истрагата се уште трае. Според снимките што ги покажаа телевизиите, се собираат чаурите и другите доказни материјали од местото на настанот.
Полицијата уште утврдува кој од двајцата пукал во Криешторе. За мотивите се уште нема докази, но се претпоставува дека имале некои нерасчистени сметки, бидејќи нападнатите и напаѓачите се познаници.
Родителите на Лесковица, кои дошле на местото на настанот, како што пренесе А1, реагираа на однесувањето на полицијата, која повеќе од еден час ги држеше Хаџибулиќ и Лесковица легнати на земјата, со лицето свртено надолу и со лисици на рацете.
Според лекарот во градската болница, погодениот Криешторе бил донесен во болницата во многу тешка состојба, со рана во стомакот, а по кратко време починал.
„Телото е предадено за обдукција на Судска медицина“, рече тој за медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Приведен крадец во Кавадарци
Вчера во 18.50 часот во Кавадарци, полициски службеници од ОВР Кавадарци го привеле Ф.Ј.(18) од Кавадарци.
Тој се сомничи дека извршил „кражба“ од дворот на манастирот „Свети Никола Моклишки“ во атар на с.Ваташа, кавадаречко, при што одзел повеќе предмети. Кај него биле пронајдени одземените предмети и биле вратени на сопственикот.
За настанот бил известен јавен обвинител и по негово документирање ќе биде поднесена соодветна пријава.
Црна хроника
167 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал – црвено светло, девет мерки за користење на мобилен телефон при возење…
Црна хроника
Четири лица искасани од кучиња скитници во Скопје
Четири лица пријавиле во полициска станица дека биле искасани од кучиња скитници вчера во Скопје.
На 26.03.2024 во 12.55 часот во Полициската станица Центар, А.К.(24) од Прилеп пријавил дека на ул.„Орце Николов“ во Скопје бил каснат од куче скитник.
На 26.03.2024 во 13.35 часот во Полициската станица Центар, И.А.(60) од Скопје пријавил дека на ул.„Радњанска“ во Скопје бил каснат од куче скитник.
На 26.03.2024 во 13.50 часот во Полициската станица Центар, В.В.(57) од Охрид пријавил дека во Скопје, на подрачјето на Центар бил каснат од куче скитник.
На 26.03.2024 во 12.45 часот во Полициската станица Аеродром, Д.К.(53) од Скопје пријавила дека на ул.„Беласица“ во Скопје била касната од куче скитник.