Црна хроника
Момчиња со воздушна пушка стрелале во студенти
Тројца студенти во студенсткиот дом „Пелагонија“ синоќа околу 21:30 часот биле повредени со воздушна пушка
Додека 23-годишниот Ѓ.Ш. од Гевгелија, 20-годишниот Ф.Ј. од Прилеп и 23-годишната Ј.Ц. стоеле на прозорците биле погодени со воздушна пушка од страна на петмина напаѓачи на возраст од 19 до 23 години. Кај Ѓ.Ш. се констатирани повреди на левата рака, кај Ф.Ј. во стомакот и кај Ј.Ц. во пределот на левата рака. Повреден е и еден случаен минувач во пределот на десната нога. Сите се пренесени во Градската Болница и се наоѓаат во добра здравствена состојба.
Петмината напаѓачи се приведени и против нив ќе следува соодветна пријава. Кај нив биле пронајдени две кутии со дијаболи, а воздушната пушка била во сопственост на 19-годишниот З.П, кој ја поседувал без дозвола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.