Црна хроника
Кој „пеплоса“ 10 тони цигари од струмички „Попецо Табак“?!

По вчерашната пресуда со која беше објавени казните досудени за предметот „Пепел”, еден од осудените Ристо Поп-Пецев управител на „Попецо Табак Струмица“, се јави во редакцијата www.forum.com.mk изложувајќи го своето мислење и аргументи за случајот
Тој вели дека во обидот да го појасни своето тврдење дека воопшто не учествувал во никакво „злосторничко здружување”, приложува и информации за кои вели дека се деловна тајна на компанијата. Инаку во четврток претпладне кумановецот Бајруш Сејдиу доби пет години затвор а треба да врати околу 25 илјади евра, по пресудата донесена по обвинението за злосторничко здружување, злоупотреба на службената должност, за кривично дело според законот за акцизи и неовластено преземање на туѓа фирма. Неговите соработници, Ремзи Рамадани и Наим Сефери добија 4,5 години затвор. Во овој процес за криминално здружување обвинети се 33-ца, меѓу кои е и Ристо Поп-Пецев кои се осудени на казни затвор од десет месеци до три години, а еден од осомничените е ослободен од обвинението. Според обвинението, Бајруш Сејдиу, и неговите соработници во период од неколку години фалсификувале цигари од најразлични брендови, а Сејдиу не платил повеќе од шест милиони евра за акцизи.Поп-Пецев е осуден за злосторничко здружување, за прекршување на законот за акцизи и користење туѓа фирма, за што тој и неговиот бранител тврдат дека не е точно и дека може да се види од се записниците што ги направиле инспекторите во струмичката фирма „Попецо Табак” .Во своја одбрана, Поп-Пецев наведува зашто и ги приложува како доказ договорите меѓу неговата фирма и Тутунскиот комбинат Куманово, за кои тврди дека докажуваат дека тој не учествувал во никакво здружување од средината на 2006 г., како што стоеше во обвинението. Имено од приложеното може да се види дека двете фирми склучиле договор уште во 2003 г. а во септември 2005 г. меѓу „Попецо Табак” и ТК Куманово е склучен долгорочен договор со важност до 2010 г., за ексклузивно застапување и продажба на цигарите произведени во ТКК АД Куманово.„По започнувањето на акцијата Пепел во просториите на Попецо Табак а по налог на истражен судија инспектори од УЈП правеа контрола за која донесоа и записници. Во копијата која ви ја доставивме на увид, во првиот е утврдено дека целата пронајдена стока е пријавена во книговодствот, со тоа што одговара деловно техничката соработка во двете компании со што од страна на генерална дирекција на УЈП се обиде со подметнување на документ од 24-10-2008 без печат и потпис а сите знаеме дека во тој период ТКК и Попецо Табак беа обезбедувани од страна на МВР и другиот записник што ви го праќам е од областа на акцизите со која се утврдува какви се производите што се пронајдени во магацините на Попецо Табак и дали има Попецо Табак некоја обврска во областа на акцизите по неа каде сум наведен како ’легален дистрибутер на легални производи од легален производител со бандероли на платена акциза на цигари’. Да ве потсетам дека во кривичната пријава што беше подигната против мене стоеше дека сум го оштетил Буџетот а 200 илјади евра и јасно стојат марките на цигари кои се одземени од магацините на Попецо Табак, јасно по вид и количина а за ваше информирање таа количина исчезна и не се појавува никаде во обвинението ниту по вид ниту по колицина. Господа новинари каде е робата за која ме осудуваат?“, обвинува во својата реакција Ристо Поп-Пецев.Тој додава дека Судот објаснува дека ужива голема доверба во ТКК и дека дел од робата ја плаќал преку сметка а дел во готовина и дека депонираната гаранција од Попецо Табак за одложено плаќање за која тврди дека имаме уредна документација, не била гаранција туку плаќање во готово.Поп-Пецев тврди дека тој е осуден на три години затворска казна, а од магацините на фирмата „Попецо Табак“ исчезнала стока во вредност од 10 милиони денари.Својот револт тој го насочува кон судството, велејќи дека не се земени предвид документите и анодите на државните институции кои извршиле контрола во работењето на претпријатието. За Поп-Пецев, чии бранители очекувано најавуваат жалби пред повисоките судски инстанци, неговиот случај е еклатантен пример дека се’ уште македонските судови носат пресуди пренабрегнувајќи ги доказите.„Ако институциите на системот кои се надлежни да утврдат дали има или нема повреда на некој закон, судот не ги зема како доказ туку слепо му верува на обвинителот да му опстои обвинението, тогаш во Македонија не треба да постои судство.“, заклучува Поп-Пецев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.