Црна хроника
Штипјанец ја претепал сопругата па, се самозапалил

Штипјанец денеска на пладне околу 13 ч. крвнички ја претепал својата сопруга со алуминиумска цевка, откако видел дека таа крвари се обидел самиот да се повреди но, бил спречен од синот
Педесет и осумгодишниот штипјанец првиот пат се обидел да се самоубие исекувајќи се по телото но, бил спречен од неговиот син, потоа повторно се обидел но, овој пат се полеал со бензин во сопствената гаража и се самозапалил. По инцидентот двајцата сопружници биле пренесени во болница каде им била пружена лекарска помош.Педесет и седумгодишната жена завршила со тешки со повреди на главата но, откако и била дадена лекраска помош е пуштена на домашно лекување, а сопругот бил префрен на психијатриското одделение, соопштија од СВР Штип.Оваа семејна крвава расправија ја спречиле двајцата синови, а семејството е познато по чести расправии и несогласувања меѓу сопружниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена од Илинден пријавила дека такси возач ја вознемирувал и ја допирал по телото

Вчера во Полициското одделение Петровец, 37-годишна жена од населено место во општина Илинден пријавила дека на 15 септември, 30 минути по полноќ, такси возач наместо да ја однесе до нејзиниот дом, почнал да ја допира по телото.
Откако му се спротивставила, возачот престанал и ја однел до нејзиниот дом.
Жената го пријавила инцидентот и во такси-компанијата каде што возачот бил вработен, по што тој бил отпуштен од работа.
Од МВР велат дека се преземаат мерки за целосно расчистување на случајот.
Црна хроника
Сведок почина во граѓанскиот суд во Скопје

Вчера во полицијата било пријавено дека во Основниот граѓански суд Скопје починал З.Д., кој бил сведок на судење.
Лекар од Итната медицинска помош констатирал смрт, а по наредба на јавен обвинител, телото на починатиот е дадено на обдукција, соопшти МВР во дневниот полициски билтен.
Црна хроника
Пациент во Тетово нападнал лекар и полицаец во болница

Полицијата од Тетово вчера попладне го приведе М.М. (28) од селото Челопек, по пријава дека во Клиничката болница во Тетово агресивно се однесувал кон медицинскиот персонал и физички го нападнал Л.А. (31) од село Желино, лекар кој се обидувал да му укаже лекарска помош.
Според МВР, по пристигнувањето на полицијата, осомничениот продолжил со агресивното однесување и нападнал и еден од полициските службеници.
М.М. е задржан во полициска станица, а по целосно документирање на случајот против него ќе биде поднесена соодветна пријава.