Три лица се повредени во престрелка што претпладне бо понеделник се случила во скопското село Грчец, општина Сарај

Инцидентот, како што информираат од Министерството за внатрешни работи, се случил околу 11 и 20 часот на влезот кон селото Грчец кога настанала расправија меѓу две спротиставени групи пред кафе барот „2000“, а потоа и тепачка која завршила со пукање од пиштол. Притоа Ф. И (53) бил повреден на левата нога, со повреда во пределот на главата од удар со тврд предмет се здобил А.М. (36) од село Грчец, а телесни повреди има Н.И. (18) од Грчец. Повредените се префрлени во Ургентниот центар во Скопје. На местото на настанот е извршен увид и од досега превземените мерки и извршени разговори, на настанот му претходело недоразбирање што се случило вчера. Осомничен за пукањето е лицето И.М. (24) од селото Грчец. Полицијата презема мерки за негово пронаоѓање, а се бараат и други лица, кои исто така зеле учество во инцидентот.

Од страна на СВР Скопје во тек се мерки за расчистување на случајот по што ќе следува соодветна пријава.

Полицијата привела неколкумина за кои се сомнева дека се поврзани со случајот.