Црна хроника
Башиноселец со пријава за семејно насилство
![](https://makfax.com.mk/wp-content/uploads/2016/11/48d04333-39c9-4222-b3d4-7fddc4009389-1.jpeg)
Башиноселец психички и физички ја малтретирал својата сопруга, a тортурата на сопругот врз сопругата траела подолго време. Честопати тој и се заканувал и дека ќа ја убие
од Д.С., Велес
Полицијата изминатиот месец разговарала со насилникот и против него до Основното јавно обвинителство поднесе кривична пријава за сторено кривично дело Телесна повреда. Дваесет и четиригодишниот Д.Ј. веќе подолго време ја малтретирал својата сопруга дваесет и едногодишната К.Ј. од Лозово. Поради нарушени брачни односи тој честопати и се заканувал со ќотек наметнувајќи и страв да го напушти домот во кој живееле. Вербалната расправија помеѓу нив двајцата, на почетокот на годинава, за кратко време прераснала во физичка, кога сопругот почнал да ја тепа со клоци по телото и и ја удирал главата во ѕид. Притоа и се заканувал дека ќе ја убие. За да не му избега насилникот ја заклучил влезната врата, го искршил телефонот и продолжил да ја тепа. Кога се обидела да избега преку прозорецот, ја фатил и почнал да ја дави по вратот. По извесно време жената успеала да најде клуч, избегала кај соседите и повикала полиција. По инцидентот, сопругата го напуштила семејниот дом и заедно со детето кое што и го доделило центарот за социјални работи, се преселила кај роднини. Нејзиниот сопруг и натаму продолжил да ја навредува и да и се заканува дека ќе ја убие. Постојано и се јавувал и го контролирал нејзиното движење. Несогласувањето меѓу сопружниците траело долго време, но поради страв за сопствениот живот, сопругата се плашела да го пријави во полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Повредени полицајци: со возило на МВР се судриле со друго возило
![](https://makfax.com.mk/wp-content/uploads/2022/11/policija8_1-199796.jpg)
Вчера во 17.30 часот во СВР Скопје било пријавено дека на автопатот Скопје- Куманово, во близина на клучката „Илинден“ се случила сообраќајна несреќа помеѓу патничко возило „фолксваген поло“ со словенечки национални ознаки, управувано од С.Ш.(78) од Куманово и патничко возило „шкода јети“, сопственост на МВР.
Во несреќата со телесни повреди се здобиле двајца полициски службеници, констатирани во Градска општа болница „Св.Наум Охридски“.
Извршен бил увид од увидна екипа од СВР Скопје.
Црна хроника
Почината жена пронајдена во викенд куќа во Светиниколско
![](https://makfax.com.mk/wp-content/uploads/2023/03/policija-3.jpg)
Синоќа во 19.00 часот во Полициската станица Свети Николе било пријавено дека во викенд куќа на место викано „Овче поле“ била пронајдена почината Б.С., на возраст од околу 60-тина години.
Излезено било на местото на настанот од полициски службеници од ОВР Свети Николе и по наредба на Јавен обвинител телото на починатата било дадено за обдукција.
Црна хроника
Малолетник осомничен за силување малолетничка во Струмица
![](https://makfax.com.mk/wp-content/uploads/2023/02/policija-apsenje.jpg)
СВР Струмица поднесе кривична пријава против малолетник од Струмица, поради постоење основи на сомнение за сторено кривично дело „силување на дете кое не наполнило 15 години“.
Пријавениот, во текот на месец март оваа година, на место викано „Чамефлик“, извршил обљуба врз малолетничка која претходно преку социјална мрежа ја повикал на средба, информираат од полицијата.