Денеска, во 11 часот, во Тетово, полициски службеници го лишиле од слобода Ј. С. (50) од Тетово.

Kај него, како што информираат од Министерството за внатрешни работи, при прегледот бил пронајден хероин.

Педесетгодишниот тетовец бил приведен во полициска станица и по целосно документирање на случајот, против него ќе биде поднесена соодветна пријава, велат од МВР.

Јавен обвинител од Основното јавно обвинителство Скопје, постапувајќи по поднесеното писмено известување, до судијата на претходна постапка од Основниот кривичен суд Скопје поднесе предлог за определување краткораен притвор од 48 часа за косовски државјанин со цел да се обезбедат докази за пукањето во Ѓорче Петров. Предлогот на јавниот обвинител беше прифатен и на лицето со решение му е определен краткотраен притвор од 48 часа.

За истиот настан, приведено беше уште едно лице, но тоа е пуштено бидејќи од МВР немало докази за негова инволвираност.

„Министерството за внатрешни работи до Основното јавно обвинителство Скопје поднесе писмено известување за настанот што се случи на 1.3.2021 година, околу 16 часот, на улицата Борис Сарафов во Скопје, кога од патничко моторно возило ‘голф 5’, без регистарски таблички, беше пукано со огнено оружје кон автомобил ‘мерцедес’, со скопски регистарски таблички, управувано од лице од с. Горно Свиларе, при што возачот на ‘мерцедесот’ добил прострелна рана во левата натколеница.

Надлежниот јавен обвинител денеска издаде повеќе наредби за вештачење биолошки траги, на патрони од испукани куршуми и други наредби за обезбедување докази. Од добиените резултати од наредените вештачења зависи дали ќе се потврди директната инволвираност во настанот на лицето за кое беше определен краткотраен притвор. По изготвување на овие вештачења, во согласноаст со Законот за кривичната постапка, Обвинителството ќе одлучи за понатамошниот тек на постапката“, соопшти ОЈО.​

Педесет и петгодишна жена е тешко повредена во сообраќајна несреќа, што се случила вчера утрото на патот Битола – Кичево.

Несреќата се случила кога автомобил „рено меган“, со битолски регистарски ознаки, управуван од А. Ц. (35) од с. Долно Оризари, Битолско, излетало од патот. Во незгодата тешки телесни повреди добила сопатничката В. Ц. (55) од Долно Оризари, констатирани во Клиничката болница во Битола. Извршен бил увид на местото на настанот од екипа на СВР Битола.