Црна хроника
Полицаец организирал проституција на две малолетнички
Две малолетнички четири дена биле сексуално злоставувани од страна на седумчлена група на возраст од 22 до 33 години
Групата, како што соопшти денеска Министерството за внатрешни работи(МВР), била организирана од страна на полицаецот Илчо Стојанов од Велес, кој бил вработен во МВР како обезбедување на амбасади.Двете малолетни девојки на возраст од 16 и 17 години, биле качени од таксист од село Лозово, кој ги пренел во Скопје, по нарачка на полицаецот.Наместо дома, девојчињата биле предадени на тројца од припадниците од групата, на улица Водњанска, во близина на амбасадата на Словенија.На средбата било договорено девојките да ги однесат во Гостивар, каде ќе даваат сексуални услуги за сума од 2.000 до 8.000 денари, а парите ќе се делат меѓу организаторите.На 25 април малолетничките биле однесени во некоја викендичка во Маврово и додека пружале сексуални услуги, клиентот разбрал дека се малолетни и им дал мобилен телефон да се јават дома.Еден од организаторите забележал дека девојките се јавуваат на телефон, им го зел мобилниот телефон и на таткото на едната од нив му кажал да обезбеди 20 илјади евра за да ги вратат девојчињата дома.Таткото пријавил во полиција и уште истиот ден приведени се дел од лицата, додека во бегство е само еден член. На сите им е одреден 30 дневен притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.