Црна хроника
Харун Алиу бил водач на шверцерската група
Харун Алиу (39) од скопската населба Сингелиќ, еден од лицата кои загинаа во престрелката кај Радуша бил водач на шверцерската група. Откако МВР доби потврда за идентитетот на тројцата македонски државјани кои загинаа во престрелката ги истакна нивните криминални досиеја
За четвртиот од загинатите се уште чекаат потврда од косовските власти. Ако се потврди неговиот идентитет од личните документи, тогаш тројца од четворицата загинати се барале со меѓународна потерница.Алиу, во отсуство беше осуден на доживотен затвор за убиството на специјалецот Зоран Марковски, што се случи кај бензинската пумпа во Автокоманда, во јануари 2008 година.МВР го бара со меѓународна потерница издадена од декември 2008 година. Судот го осуди на доживотна казна затвор за убиство на свиреп начин и злосторничко здружување.Шабан Зенуни (36) од тетовското село Мерово е еден од обвинетите во хашкиот случај „Мавровски работници“. Од септември 2008 година се бара со меѓународна потерница. Во групата ликвидирани се наоѓал и косовскиот државјанин Џафер Шаља (31) од Приштина, кој што се барал со меѓународна потерница и во Македонија бил осуден на девет години затвор.Шаља, за чиј идентитет се уште нема потврда, бил во групата на Лирим Јакупи Нацист во 2004-та која го контролираше Кондово. Подоцна во стан во Тетово заедно со Нацист беше опколен од полицијата но успеа да избега по престрелката. За двете дела е осуден на 9 години затвор во отсуство.Последниот загинат е Кемал Фејзула од селото Грчец.Од МВР не потврдуваат никакви понатамошни активности во врска со вчерашната акција, иако утрово беше забележителна поголема активност на полициски хеликоптери. Не соопштуваат ни дали има приведени, иако неофицијално се дознава дека има двајца приведени за престрелката кај Радуша.
„МВР продолжува да работи на случајот интензивно, се преземаат сите неопходни мерки за утврдување на евентуална инволвираност и на други лица кои што соработувале со групата, така што во оној момент доколку се утврди идентитет и на други инволвирани и доколку бидат обезбедени соодветни докази, навремено ќе биде информирана јавноста“ вели портпаролот на МВР, Иво Котевски.Тој не потврдува поврзаност на двата инциденти во Радуша и Блаце, но и не исклучува таква поврзаност.„Засега нема индиции за поврзаност на оваа група со оружјето кое беше складирано и групата која што го обезбедуваше кај Блаце, но како што кажав се уште се работи на расчистување на сите детали околу случајот така што во моментов не можеме да потврдиме некаква поврзаност, но исто така не можеме ни да исклучиме некаква поврзаност“ додаде Котевски.Полициските сили, ноќта меѓу вторникот и средата, се судрија со шверцерска криминална група во реонот на селата Радуша, Рашче и Свиларе, која нелегално сакала да пренесе оружје во Македонија. Во моментот кога полицајците го запреле комбето на шверцерите, тие отвориле оган кон полицијата, при што било возвратено.Во престрелката загинаа четворицата членови на шверцерската банда. Во комбето беше пронајдено оружје, меѓу кое имаше и старо од југословенско потекло, но и современо.
На 29 минатиот месец полицијата се судри со 12 члена криминална група, која чуваше неколку бункери со оружје кај Блаце. Тогаш имаше само еден повреден од групата, која успеа да пребега на Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Седумдесет и петгодишен маж е најден починат во шахта
Седумдесет и петгодишен маж вчера е пронајден починат во шахта за водовод во гостиварското село Дебреше, информираат од Министерството за внатрешни работи (МВР).
„Вчера попладне С.Р., жител на Дебреше во полиција пријавил дека во шахта за водовод лоцирана во куќата на неговиот братучед го пронашол починат неговиот вујко А.Џ. (75)“, се вели во полициското соопштение.
На местото на настанот, увид извршиле јавен обвинител и екипа на криминалистичката полиција.
Телото на починатиот е предадено на обдукција, со цел да се утврдат точните причини за смртта.
Црна хроника
При контрола на СВР Тетово, одземени ножеви и боксирач од деца
Министерството за внатрешни работи информира дека се одземени ножеви и боксирач од малолетници при вчерашната акциска контрола на СВР Тетово спроведена во периодот од 14:00 до 16:00 часот во угостителски објекти на подрачјето на Тетово.
-При контрола во угостителски објект на улица „Љубо Божиновски Пиш“, кај 17-годишен малолетник биле пронајдени и одземени неколку ножеви и метален „боксирач“. Истовремено, при контрола во објект во склоп на Спортскиот центар, кај двајца малолетници биле пронајдени и одземени ножеви, се наведува во соопштението на МВР.
Од МВР посочуваат дека сите малолетници се приведени во полициска станица во присуство на родители, а по целосно документирање на случајот биле предадени на нивните родители.
Црна хроника
Возач на комбе не забележал човек зад возилото, го удрил и тешко го повредил
Од Министерство за внатрешни работи информираат дека на 30 јануари 2026 година, околу 16:00 часот, во СВР Скопје било пријавено дека во кругот на објект во изградба на подрачјето на Ѓорче Петров се случила несреќа со тешки последици.
Според пријавата, М.Д., управувајќи товарно возило – комбе, при движење наназад не го забележал Д.З. (51) од Скопје, кој се наоѓал покрај ограда зад возилото, при што го удрил. Повредениот се здобил со тешки телесни повреди, кои биле констатирани во Комплексот клиники „Мајка Тереза“.
Од полицијата соопштуваат дека се преземаат мерки за целосно расчистување и документирање на случајот.

