Министерството за внатрешни работи трага по две маскирани вооружени лица, кои денеска на патот Велес – Скопје во обид да го ограбат комбето на Македонија пат, убија едно и повредија уште едно лице

Инцидентот се случил денеска околу 12 часот и 30 минути, на околу 500 метри до километар од наплатната рампа Петровец, на автопатот Велес Скопје, кога оружените лица најпрвин запреле Ситроен берлинго, со струмички регистерски таблички, а кога наишол пикапот на Македонија пат, се обиделе да го запрат.Откако возилото на Македонија пат не застанало, двете вооружени лица со калашников почнале да пукаат кон него.Пикапот на Македонија пат изрешетан не застанал и продолжил кон Скопје.Двајцата разбојници го избркале возачот од струмичкото Белрлинго и го следеле пикапот и пукале во него, до клучката во близина на Хиподром, каде се откажале од потерата.

Повредениот возач  со мртвиот совозач успеал да стигне до експозитурата на Стопанска банка во населбата Автокоманда, на неколку метри од полициската станица, каде што побарале помош.Според МВР напаѓачите од Хиподром зеле друго возило, кое е пронајдено во оставено Кадино село.  Полицијата ги блокира сите приоди и излези по кои се движело возилото.Повредениот, прво бил пренесен во Ремедика, а сега се наоѓа во Државна болница и е надвор од животна опасност со две прострелни рани во раката.

Од Македонија пат нема пријавено дека парите се украдени. Нивниот пикап, кој го носел прометот од наплатните станици во банка, немал обезбедување ниту приватно ниту од МВР.Од МВР апелираат сите правни лица кои носат парични средства да обезбедат приватна заштита или да побараат обезбедување од МВР.

Повеќе фотографии со вознемирувача содржина