Црна хроника
Започнува судењето за глисерската несреќа

Во Основниот суд во Охрид денеска треба да започне судскиот процес против триесет и едногодишниот охриѓанец Христијан Шапкар, кој е осомничен дека ја предизвика глисерската несреќа, која што се случи минатото лето во Охридското Езеро
Тогаш животот го загуби триесет и деветгодишната скопјанка Ирина Романова-Муцунска.
Веднаш по несреќата, која што се случи на 22 август минатата година, Шапкар заработи кривична пријава за тешки дела против безбедноста на луѓето и имотот во сообраќајот, а истражен судија му одреди 30-дневен притвор.
Осомничениот, притворот го одлежа додека се лекуваше во болницата „Свети Еразмо“ во Охрид, по што беше пуштен да се брани од слобода.
Според првичните детали од истрагата, кои беа соопштени по несреќата, Христијан, управувал глисер од марката „сидо“.
Со него биле неговата сопруга Ивана, 28-годишен државјанин на Сирија и 17-годишна охриѓанка.
Муцунска управувала глисер „регал“. Поради брзина поголема од дозволената, глисерот на Шапкар поминал над глисерот на загинатата и го преполовил. Страничниот удар бил толку силен, што Муцунска починала на самото место.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Најмалку 50 загинати во пожар во дискотека во Кочани

Најмалку 50 лица се загинати во дискотека во Кочани во која ноќеска избувнал пожар за време на концерт на позната група.
Според неофицијалните информации, пожарот избувнал околу 3 часот, поради употреба на пиротехнички средства на концертот на кој присуствувале околу 1.500 луѓе.
Повредените се префрлени во болниците во Кочани и Штип.
На Клиника за хируршки болести „Наум Охридски“ во Скопје досега има донесено 27 повредени.
Над 100 млади луѓе се повредени, според првичните информации на екипите на Дирекцијата за заштита и спасување и Центарот за управување со кризи.
Сите надлежни служби, вклучително и јавен обвинител од Основното јавно обвинителство Кочани се на терен.
„Бројот на жртви и повредени се утврдува. Се уште се преземаат дејствија и се врши увид. Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување“, соопштија од Јавното обвинителство.
Црна хроника
Итна интервенција во Мавровско Езеро: две лица се држат за превртен чамец, струја ги носи кон хидроцентралата

Преку единствен број за итни повици 112 во 12.37 часот на ден 15.03.2025 година од страна од случаен минувач добиена е информација за превртен чамец со две лица во Мавровско Езеро. Лицата во моментот се држат за чамецот и самата струја ги носи кон хидроцентралата, информира директорот на ЦУК, Стојанче Ангелов.
„Од наша страна веднаш е стапено во контакт со Диспчерски центар на ЕЛЕМ и со директорот на ХЕЦ Маврово и известен сум дека немаат исправен чамец. Известено е одговорното лице од Ренџерска служба од Национален парк Маврово и од истите известен сум дека имаат чамец и поради силниот ветер во Мавровското езеро има бранови и луѓето не се специјализирани за спасување во води и претставува потенцијална опасност да ги загрози и своите вработени. Во истиот момент преку РЦУК Тетово известени се ПС Маврово, ДЗС Гостивар, Општина Маврово и Национален Парк Маврово ренцерска служба. Испратено е барање до ДЗС за ангажирање на чамец и специјализиран тим за спасување во води. Исто така од наша страна изпратено е барање на МВР за нивна проценка и ангажирање на специјален тим со чамец или хеликоптер се со цел да се спасат двет лица во Мавровското езеро. Известен е директотор на ХЕЦ Маврово привремено да го запре производството на електрична енергија како би се избегнале струите во изерото. Од страна на Раководителот на СОК сум известен дека ќе биде ангажиран хеликоптер со лица од спцијална единица (Тигри), а чамецот ќе биде обезбеден од страна на одговорнот о лице од Ренџерите во Националниот парк Маврово. Во тек е координативната акција за спасување на двете лица во превртениот чамец“, стои во информацијата од првиот човек на ЦУК, Ангелов.
Црна хроника
Приведено лице од скопско поради предизвикување сообраќајна несреќа со смртни последици

На 14.03.2025 во 18.54 часот во СВР Скопје било пријавено дека на ул.„Ацо Шопов“ во Скопје се случила сообраќајна несреќа помеѓу патничко возило „фиат панда“ со скопски регистарски ознаки, управувано од Б.Р.(24) од с.Буковиќ, скопско, патничко возило „пежо 2008“ со скопски регистарски ознаки, управувано од С.А.(52) од Скопје и мотоцикл „сузуки“ со скопски регистарски ознаки, управуван од А.Ј.(34) од Скопје.
Во несреќата со тешки телесни повреди се здобил мотоциклистот А.Ј., констатирани во Градската општа болница „8 Септември“, по што бил пренесен во Комплекс клиники „Мајка Тереза“, каде што подоцна починал.
Лекар констатирал смрт, а по насоки на јавен обвинител, телото на починатиот било дадено на обдукција.
Возачот Б.Р. се здобил со телесни повреди, констатирани во Градската опшата болница „Св.Наум Охридски“ Скопје и по укажаната помош во 01.00 часот на подрачјето на Центар бил лишен од слобода и по целосно расчистување и документирање на случајот, ќе биде поднесена пријава по итна постапка.
Извршен бил увид од надлежен обвинител од ОЈО Скопје и увидна екипа од СВР Скопје.