Црна хроника
Тројца скопјани пазареле со лажни платежни картички

Две лица се уапсени, а по третото се трага поради фалсификување на платежни картички
Единицата за борба против компјутерски криминал при Министерството за внатрешни работи поднесе кривични пријави против 26. годишниот Д.Ч. од Скопје, како и против 22. годишните В.С. и Н.М. исто од Скопје, поради изработка и употреба на лажна платежна картичка.Имено, во април оваа година, тројцата заедно аплицирале и подигнале 11 платежни картички од повеќе банки. По земањето на картичките, Д.Ч. ги изменил податоците на магнетната лента на картичките, вметнувајќи податоци на странски државјани кои имале сметки во странски банки. Тројцата започнале да ги употребуваат лажните картички купувајќи роба во вредност од вкупно 55.495,00 денари.Од страна на Единицата за борба против Компјутерски криминал, на продажно место во ГТЦ во Скопје, затекнат е В.С. во моментот кога купувал стока со лажна платежна картичка. Притоа, кај него, покрај картичката со која ја вршел нелегалната трансакција, пронајдена е уште една лажна картичка.Полицијата извршила претрес во домот на Д.Ч. при што пронајдени се повеќе платежни картички издадени од три домашни банки, на име на трите пријавени лица, а по извршените проверки утврдено е дека девет картички се лажни, односно оригиналните податоци се изменети и вметнати се податоци на платежни картички издадени од други странски банки.В.С. и Н.М. го признале делото, додека по Д.Ч. кој е во бегство, полицијата распишала потерница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична против полицаец од Интервентна поради поткуп

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција Скопје, во соработка со Одделот за сузбивање на организиран и сериозен криминал при МВР поднесе кривична пријава против А.Б. на работно место виш полицаец во Единица за интервентна полиција при СВР Скопје, поради постоење основи на сомнение дека сторил кривично дело „давање поткуп“ по член 358 став 1 од КЗ.
Според документираните сознанија, пријавениот во текот на февруари и март годинава посредувал кај друг полициски службеник вработен на ГП Долно Блаце, односно понудил и дал поткуп со цел полицискиот службеник да не ја изврши својата службена должност, односно да не евидентира влез во државава на македонски државјанин на ГП Долно Блаце, така што од негова страна евидентиран е турски државјанин. Пријавениот е лишен од слобода и задржан во полициска станица, а од страна на Основниот кривичен суд Скопје изречена му е мерка претпазливост и забрана за вршење на дејност. Воедно ОВККИПС против А.Б. ќе поднесе и предлог за поведување на постапка за кршење на работниот ред и дисциплина.
Црна хроника
25-годишник од Велес со тешки повреди пренесен во болница: управувајќи мопед, паднал на коловозот

Вчера во 22:15 часот во СВР Велес е пријавено дека на улицата „Васил Ѓоргов“ во Велес, 25-годишниот К.П. од Велес управувајќи мопед со скопски регистарски ознаки, паднал на коловозот.
Во несреќата со тешки телесни повреди се здобил К.П., констатирани во Општата болница Велес. Извршен бил увид од СВР Велес.
Црна хроника
При градежни активности на имот во Кисела Вода била оштетена цевка од гасовод, при што имало истекување гас

Вчера во 11:37 часот во СВР Скопје било пријавено дека при ископ и вршење градежни активности на имот на правно лице на булеварот „Борис Трајковски“, на подрачје на Кисела Вода во Скопје, била оштетена цевка од гасовод, при што имало истекување на гас.
Полициски службеници од ЕВР Кисела Вода и инспектор за животна средина излегле на местото и било констатирано дека од страна на фирмата „Нома гас“ биле исклучени вентилите и појасниле дека на местото нема присуство на гас.
Увид бил извршен и по целосно документирање на случајот, ќе биде поднесена пријава по член 291 од Кривичниот законик – „уништување или оштетување на јавни инсталации“.