Црна хроника
Битолчанец за час и половина ограбил две аптеки и трафика

Битолчанец за час и половина вчера од 14:50 до 16:30 часот ограбил две аптеки и една трафика во центарот на Скопје
Како што соопштува МВР, полицијата го привела триесет и двегодишниот битолчанец веднаш по грабежите на аптеката „Ескалуп“ трафиката „Тобако- Прима“ и се обидот за грабеж на аптеката „Виола“, сите лоцирани во централното градско подрачје.Вооружен со пиштол и со закана дека ќе ги убие вработените разбојникот го крадел дневниот промет и бегал. Според пријавите на оштетените, разбојникот успеал да украде околу 5.700 денари.Полицијата го уапсила во близина на железничката станица. Против него ќе биде поднесена кривична пријава за две разбојништва и обид за разбојништво.Од информативниот разговор е утврдено дека разбојникот ограбил уште две аптеки во Прилеп и две во Охрид.Рано утрово околу 4:15 часот ограбен е и „Астра клуб“ кој се наоѓа кај стара рампа. Разбојникот вооружен со пиштол украл 260.000 денари и заедно со уште едно лице кое го чекало во возило избегале. Полицијата трага по разбојниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
На Табановце уапсени двајца странски државјани, кај нив биле пронајдени бела прашкаста материја и таблети

Вчера околу 19:00 часот на Граничен премин Табановце, на влез во државата, полициски службеници ги лишиле од слобода 32-годишниот О.Ј. од Унгарија и 37-годишниот А.Б. од Србија.
При гранична проверка и контрола во возилото „тојота“ со унгарска национална ознака, кое го управувал О.Ј, а сопатници биле А.Б. и уште едно лице од Унгарија, во личниот багаж на О.Ј. биле пронајдени и одземени неколку пакувања со бела прашкаста материја, едно шише со бела прашкаста материја и една кутија со 31 капсули. Додека, во личниот багаж на сопатникот А.Б. биле пронајдени неколку пакувања со бела прашкаста материја и таблети.
Тие биле задржани во полициска станица и по целосно документирање на случајот, против нив ќе бидат поднесени сооддветни пријави.
Црна хроника
Овозможил влез на патник со мерка „апси“: кривична пријава за полицаец од скопскиот аеродром

Одделот за внатрешна контрола, криминалистички истраги и професионални стандарди при МВР до надлежното Основно јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција поднесе кривична пријава против С.С. поради основи на сомнение за сторено кривично дело ,,несовесно работење во службата“ по член 353-в од Кривичниот законик.
Пријавениот, на работно место „полицаец“ во ПС за ГП „Меѓународен аеродром Скопје“, на 12.08.2025 несовесно постапил при вршење на своите овластувања и должности односно не извршил пасошка контрола на патник кој минувал на СТОП листата на МВР со мерка „апси“ при влез во државата. Со ваквото дејствие полицискиот службеник му овозможил на патникот да оствари влез преку државната граница, го ставил во поволна состојба, му овозможил лична корист и нанел штета на угледот на Министерството за внатрешни работи.
Црна хроника
Полицаец претепан од осуденик во затворот „Идризово“

Вчера околу 11:00 часот во СВР Скопје, од Казнено поправната установа Идризово било пријавено дека во установата, затворски полицаец бил физички нападнат од осуденикот К.А.(33) од Скопје.
Полицијата соопшти дека се преземаат мерки за расчистување на случајот.