Црна хроника
Расветлен грабежот на поштата во Преспа
Плански и организирано, СВР Битола го откри сторителот на кривичното дело разбојништво во селото Царев Двор, кога на седми мај годинава околу 50 илјади евра беа украдени од селската пошта наменети за исплата на пензии на жител
од Оливера Михајловска, Битола
Како сторител на овој грабеж е идентификуван 24-годишниот К.Љ. кој живее во ресенскот осело Царев Двор и против него е поднесенa кривична пријава и му е одредена мерка притвор во траење од 30 дена.„Пријавениот прво од мобилен телефон во полициската станица во Ресен лажно пријавил тешка сообраќајна незгода која наводно се случила на излезот на селото Избиште со цел да ја оддалечи сообраќјаната патрола од подрчјето на кое имал намера да оперира“, рече Ѓоко Стрезовски, портпарол на СВР Битола.Скриен во грмушки, маскиран со маска на лицето, ракавици и капа, блиску до поштата чекал да се случи транспотрот на парите наменти за исплата на пензии во ресенскиот регион.„Во моментот кога комбито пристигнало, а еден од вработените излегол однатре со цел да достави една од вреќите со пари во локалната пошта, пријавениот му се доближал, му вперил пиштол во главата, го испрскал со спреј во лицето и му ја одзел вреќата со пари“, појасни Стрезовски.Со парите в раце, пријавениот го зел и комбето, претходно принудувајќи ги другите двајца поштенски работници да го напуштат возилото, и се упатил кон селото Езерани. „Патем скршнал десно и со возилото удрил во еден столб, а потоа откако застанал со нож кој специјално за таа намена го понел со себе, ги пресекол вреќите од каде извадил околу два милиона денари и ги ставил во ранецот што го носел со себе, но според исказот кој го даде во полицијата еден мал дел од парите му испаднел на пат за дома“, рече портпаротло на битолската полција.По ударот со комбето, отишол дома, блиску до местото каде го оставил возилото, се пресоблекол, ја изгорел горнито дел од тренрката што ја носел. Пота сс упатил за Битола каде по пат го фрлил пиштолот а од капата се ослободил во блиската река. Пиштолот со кој се заканувал, пријавениот го купил за планираниот грабеж од Прилеп а спрејот од продавница за оружје во Битола.„Со дел од парите крадецот исплатил долгови и камати на засега непознати лица, купил лаптоп, додека со друг дел во менувачница во Охрид купил десет илјади американски долари. При извршениот претрес во неговиот дом, како и во хотелот чиј сопстевник е неговиот татко, пронајдени се и со потврда одземени долните тренерки, ранецот во кој ги ставил парите, двата мобилни теелфона кои ги користел пред вршење на грабежот и 10-те илјади долари“, рече Ѓоко Стрезовски.На територијата на СВР Битола во текот на изминатава година се случија две разбојништва, минатиот месец во Царев Двор и во Прилеп, кога беше ограбена банка и двата случаи се целосно расветлени а сторителите се фатени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Полицијата во патничко возило со скопски регистарски ознаки пронашла 11 мигранти
На влезот во гевгелиското село Богородица, полициски службеници од Полициската станица за граничен надзор и гранични проверки Богородица во патничко возило „ауди“ со скопски регистарски ознаки вчера пронашле 11 лица мигранти.
МВР денеска осопшти дека вчера во 03.50 часот полицијата во патничко возило „ауди“ со скопски регистарски ознаки пронашла 11 лица мигранти, од кои пет лица од Сирија и шест лица од Република Турција.
– Откако ги забележал полициските службеници, возачот на возилото го напуштил местото. Мигрантите биле сместени во прифатно – транзитен центар во Гевгелија. Се преземаат мерки за расчистување на случајот, се појаснува во соопштението од МВР.
Црна хроника
ДУИ го осуди нападот врз претседателот на ФФМ
ДУИ го осуди вчерашниот напад врз претседателот на Фудбалската федерација Муамед Сејдини и изрази загриженост дека ова треба да биде силен аларм дека меѓуетничките тензии во земјата се зголемени.
„Овој инцидент се случува во време кога Владата се однесува како „бик во продавница за порцелан“, игнорирајќи ја и маргинализирајќи ја улогата на Албанците во јавниот и институционалниот живот и потценувајќи ја важноста на меѓуетничките односи. Ваквите постапки, кои доаѓаат во недела со серија други инциденти со етничка заднина, само дополнително ја влошуваат ситуацијата и создаваат опасна атмосфера за меѓуетничкиот соживот“, пишува во соопштението на Демократската унија за интеграција.
ДУИ тврди дека претседателот на ФФМ бил нападнат само поради неговата етничка припадност.
„Овој напад се случува и во контекст на голем неуспех во процесот на европска интеграција, што предизвика длабоко разочарување и ги затемни перспективите и надежите на нашите граѓани. Навредливите изјави на министерката за образование, која ги навреди вработените Албанци, нарекувајќи ги „неписмен народ”, дополнително ги зголемуваат тензиите и поделбите во општеството“, се вели во соопштението на партијата.
ДУИ ги повикува органите да реагираат брзо и професионално за да го расчистат овој случај, а Владата сериозно да размисли за важноста на зачувувањето на меѓуетничките односи и да ги почитува принципите на правично и еднакво застапување на сите граѓани.
Црна хроника
Тешко повреден 72-годишен возач на електричен тротинет
Вчера околу 19.25 часот во СВР Куманово било пријавено дека на ул.„Доне Божинов“ се случила сообраќајна несреќа помеѓу мопед „пежо“, управуван од Д.М.(18) и електричен тротинет управуван од Џ.И.(72), двајцата од Куманово.
„Во несреќата со тешки телесни повреди се здобил возачот на тротинетот, констатирани во Општата болница во Куманово“, информираат од МВР.
Извршен бил увид од увидна екипа на СВР Куманово.