Црна хроника
Избега затвореник од Штипскиот затвор

Затвореник од Радовиш осуден на казна затвор од 14 месеци во петок побегнал од Клиничкиот центар во Штип каде пред една седмица бил хоспитализран бидејќи се жалел на болки во слепото црвео, потврдија од Упрвата за спроведување санкции
Осудениот Енис Васви Асанов, кој бил осуден за три кривични дела „тешка кражба“, „кражба“ кој ја издржувал затворската казна во Казнено поправниот дом Штип денеска побегнал од Клиничкиот центар Штип каде бил спроведен на 3-ти јули поради воспаление на слепото црево, по што итно му била извршена операција а поради. Поради природата на болеста осудениот бил задржан на лекување на Одделението за хируршки болести.Денеска, околу 5 часот наутро, Асанов побарал од дежурните полицајци надзорници да оди во тоалет и на враќање успеал да го удри надзорникот што го следел во пределот на десното око, при што овој се здобил со сериозна повреда. Откако надзорникот паднал, Асанов го скршил стаклото на вратата на помошниот влез во болницата и успеал да избега.Од Управата за спроведување санкции при Минситерството за правда велат дека нивната првична контрола покажала дека од страна на Казнено поправниот дом Штип биле преземени сите потребни мерки за обезбедување на осудениот додека се наоѓа на лекување за што биле ангажирани по двајца полицајци надзорници кои вршеле 24 часовно обезбедување на лицето.Полициите од Штип и Радовиш веќе започнале со потргата по побегнатиот затвореник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР: Лишени од слобода две лица во Струга, на градската депонија предизвикале пожар

Две лица се лишени од слобода во Струга откако биле затекнати при палење отпад и предизвикување пожар на градската депонија, информира Министерството за внатрешни работи.
„На 02.08.2025 во 20:30 часот, на градската депонија во Струга, полициски службеници од ОВР Струга ги лишија од слобода Ф.Н.(61) од Струга и Е.В.(38) од Прилеп, кои претходно, од страна на вработени во Територијалната противпожарна единица Струга биле затекнати на депонијата како горат душеци и топат бакарни жици, при што предизвикале пожар. Против нив, по документирање на случајот, ќе бидат поднесени соодветни пријави“, стои во известувањето од МВР.
Црна хроника
МВР: Претреси во Кавадарци и Неготино, пронајдена дрога, лишени од слобода две лица

Полицијата изврши претреси во Неготино и Кавадарци.
„На 02.08.2025 во 17:20 часот, полициски службеници од ОВР Неготино го лишија од слобода З.И.(24) од Неготино. По издадена судска наредба, полициски службеници од Отсекот за недозволена трговија со дрога при СВР Велес и ОВР Неготино, извршија претрес во неговиот дом, при што се пронајдени и одземени 2 000 евра, мобилен телефон и зелена растителна материја. З.И. е задржан во полициска станица, известен е јавен обвинител и по документирање на настанот, против него ќе биде поднесена соодветна пријава.
На 02.08.2025 во 18:35 часот, полициски службеници за недозволена трговија со дрога од ОВР Кавадарци го лишија од слобода Ј.А.(31) од Кавадарци. По претходно издадена судска наредба, при извршен личен претрес кај него била пронајдена и одземена зелена растителна материја, а при претрес во неговиот дом, биле пронајдени и одземени бела грутчеста материја, зелена растителна материја, 21 семка и пакување со цветови од зелена растителна материја. Ј.А. бил приведен во полициска станица, известен бил јавен обвинител и по документирање на настанот против него ќе биде поднесена соодветна пријава“, стои во соопштението на Министерството за внатрешни работи.
Црна хроника
Запленета поголема количина брендирана стока без документација, лишено од слобода едно лице

Полицијата заплени поголема количина брендирана стока без соодветна документација и приведе едно лице, соопшти Министерството за внатрешни работи.
„На 01.08.2025 околу 20:00 часот на наплатна рампа Романовце, на автопатот Скопје-Куманово од страна на полициски службеници од Мобилната единица за компезаторни мерки при ОГРМ, бил лишен од слобода Д.Ц. (30) од Крива Паланка, затоа што при преглед на возилото „ауди“, кое тој го управувал, пронајдена е поголема количина на брендирана стока, без соодветна документација. По документирање на случајот, против Д.Ц. ќе биде поднесена кривична пријава по чл 285 ст.1 од КЗ“, стои во известувањето од МВР.