Црна хроника
Еден пожарникар затруен во пожарот во Капиштец

Нема повредени граѓани во пожарот што попладнево избувна на деветтиот кат во зграда во близина на Трговскиот центар Зебра, скопската населба Капиштец
При гаснењето на пожарот од чадот затруен е еден од пожарникарите, кој се наоѓа во стабилна здравствена состојба, јави репортерот на Макфакс.Сите станари од зградата беа излезени надвор заедно со пожарникарските екипи, кои предмалку го изгаснаа пожарот. Сопственикот на станот, каде што избувна пожарот немо гледаше како му гори сопствениот стан и не сакаше да разговара со новинарските екипи.Станарите од зградата објаснуваат дека сопственикот на станот веќе еден месец работел на негово реновирање. Мајстори работеле во станот и утрово. Официјално, од противпожарната служба сеуште ги испитуваат причините поради кои настанал пожарот. Станот бил со големина од околу 90 метри квадратни.Командирот на противпожарната единица, Благоја Менковски, тврди пожарот го зафатил само станот каде што избувнал. При гаснењето на пожарот учествуваа пожарникари од противпожарните служби од Тафталиџе и Автокоманда.Паралелно со нивната работа, пајак службата ги собираше паркираните возила во близина на зградата со цел да овозможи поефикасна работа на пожарникарите. Присутни беа и медицински екипи.Командирот Менковски објаснува дека пожарот се гаснел со помош на скала од висина од 30 метри, која не била доволна за да достигне висината на опожарениот стан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена ограбена во Ѓорче Петров

Шеесет и петгодишна жена била ограбена во Ѓорче Петров.
Според информациите на МВР, вчера Г.Ј.(65) од Скопје пријавила дека околу 17.05 часот на подрачјето на Ѓорче Петров, едно лице со употреба на сила и го одзело паричникот со пари и лични документи.
Се преземаат мерки за расчистување на случајот
Црна хроника
Насилници уценувале девојче од Скопје – им дала 25.000 евра за да не го нападнат брат ѝ

Девојче од Скопје било уценувано од неколку соученици дека ако не им даде пари, ќе го нападнат нејзиниот брат кој има здравствени проблеми. На тој начин, девојчето од дома земало и им дало на насилниците 25.000 евра.
Според информациите на МВР, ноќеска во 00.30 часот во СВР Скопје, 52-годишник од Скопје пријавил дека неговата малолетна ќерка, ученичка во основно училиште на подрачјето на Бит Пазар во Скопје, подолг период добивала закани од двајца соученици дека физички ќе го нападнат нејзиниот помал брат, кој е лице со здравствени проблеми, доколку не им даде пари.
Според пријавеното, таа била принудена и во повеќе наврати им давала пари, при што од домот одзела вкупно 25.000 евра.
Се преземаат мерки за расчистување на настанот.
Црна хроника
Дете се отруло од алкохол во Тетово, во неконтактибилна состојба однесено во болница

Малолетник се отрул од алкохол во Тетово и во неконтактибилна состојба е однесено во болница. Поради инцидентот, поднесени се кривични пријави против продавачката и управителот на продавницата од која детето го купило алкохолот.
Според информации на МВР, поднесени се кривични пријави против правно лице, против Т.Б.(44) од Струга, управител на правното лице и против В.Н.(54), вработена во правното лице поради постоење основи на сомнение за сторено кривично дело „точење алкохолни пијалоци на дете“.
Пријавените, без да побараат документи за идентификација, му овозможиле на малолетно лице од Тетово во продажниот објект да купи алкохолни пијалоци, а подоцна, по консумирањето, кај него настанало труење и во неконтактибилна состојба бил пренесен во Медицинскиот центар во Струга.