Црна хроника
Грчки бизнисмен во Велес се жали дека изел ќотек

Грчкиот бизнисмен Каравуламис тврди дека бил физички нападнат од неговиот велешки партнер, кој негира
Од Дијана Иванова, Велес
Василис Каравуламис, грчки бизнисмен денес бил физички нападнат од Сотир Ампов, партнер во фирмата ДИДО Груп. Според Каравуламис, вработените на капијата во заедничката фабрика, поранешна велешка „Свиларница“, најнапред го информирале дека тој не може да влезе во кругот на компанијата. Наместо одговор зошто му се ускратува можноста за слободно движење во сопствен имот, обезбедувањето го фатило за раце а неговиот ортак Ампов, започнал да го удира по главата и телото.Грчкиот бизнисмен е пренесен на Хирушкото одделение во Велешката болница, каде што му е укажана лекарска помош.„Сотир и неговиот брат Михајло сакаат да ме избркаат од Македонија. Јас не сакам да си одам, бидејќи тука сум 11 години и имам 50 проценти од капиталот на ДИДО Груп. Овој комбинат пред кој Сотир денес физички ме нападна и не ми дозволи да влезам, го купивме со заедно“, рече Василис Каравуламис.Василис му порача на својот ортак – „Не се плашам, нема да ја напуштам Македонија, нема да ме избркате од компанијата а и да ме тепате “Јавно Ампов одби да го коментира настанот. Во телефонскиот разговор со новинарите негираше дека физички го нападнал Василис. Според информации од СВР Велес, Сотир Ампов вчера бил повикан на разговор. По сослушување на инволвираните лица, СВР Велес ќе излезе со официјално соопштение за јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
Маж ја тепал бремената сопруга: јa притискал за вратот и ја удирал главата од креветот

Јавен обвинител од Основното јавно обвинителство Скопје поведе постапка против државјанин на Република Хрватска, кој е осомничен за кривично дело – Телесна повреда од член 130 став 2 во врска со став 1 од Кривичниот законик.
При вршење семејно насилство во домот во Скопје тој телесно ја повредил неговата сопруга. Најпрво почнал да и се обраќа на висок тон, а потоа физички ја нападнал удирајќи ја со тупаници и шлаканици по главата и телото. Потоа продолжил силно да ја притиска за вратот, иако знаел дека е во петтиот месец од бременост. Во еден момент ја зграбил и насилно ја фрлил во креветот, по што и ја удирал главата од ивицата на креветот. Престанал кога оштетената започнала да крвари, по што жртвата успеала да се засолни во тоалетот и да повика полиција и брза помош.
Осомничениот слушнал дека повикува помош, по што го напуштил станот. Кај оштетената била констатирани бројни повреди на главата, но и на плацентата во која е сместен плодот.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.
Црна хроника
Тешко повреден 15-годишник од Канада: со мопед удрил во лисица во Охридско и паднал

Денеска (29.08.2025) околу 03:30 часот во СВР Охрид e пријавено дека на ул.„Радојца Новичиќ“ во Охрид, 15-годишен малолетник од Канада, a со престој во с.Долно Лакочереј, охридско, управувајќи мопед „априлија“ со охридски регистарски ознаки, удрил во лисица и паднал на коловозот.
Во несреќата со тешки телесни повреди се здобил малолетниот возач, констатирани во Специјалната болница „Св.Еразмо“ во Охрид.
Извршен бил увид од увидна екипа од СВР Охрид.
Црна хроника
Пушка, пиштол и куршуми пронајдени во напуштен објект во Чаир

Вчера во 15:54 часот во СВР Скопје, Б.Ѓ. пријави дека на подрачјето на Чаир, во помошен објект на напуштена куќа на нејзината мајка, пронашла автоматска пушка, соопшти полицијата.
Според пријавеното, таа го повикала соседот за да проверат што има друго внатре во помошниот објект, при што дошол синот на соседот, ја турнал Б.Ѓ., ја зел пушката и избегал.
По извршен претрес и дополнителни проверки од страна на полициски службеници, во објектот се пронајдени уште една пушка, пиштол и куршуми.
Се преземаат мерки за расчистување на случајот.