Црна хроника
Сметководителка украла околу 200 илјади евра од клиент

Сметководителка од Скопје три години го мамела својот клиент и му украла околу 200 илјади евра, соопшти Министерството за внатрешни работи
Четириесет ичетиригодишната сметководителка, која ги водела сметките на фирмата „Мак хол“ ДООЕЛ увоз-извоз парите ги крадела преку фиктивни книжења и изготвување фалсификувани налози за пренос на парични средства.Освен одговорните во фирмата ги лажела и коминтентите на фирмата, па им велела парите наместо на сметка на фирмата да ги уплаќаат во Тутунска банка на сметка на друга фирма, сопственост на истото друштво Шпаркасе банка Скопје.Сметката на оваа банка била активна, но сопствениците на фирмата не ја користеле.Сметководителката заработи кривична пријава за измама и фалсификување исправа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Полуматуранти нападнати во Скопје од повеќе врсници – пријавени два случаи за помалку од 4 часа

Во Скопје на 5 јули биле пријавени два одделни случаи на физички напади врз малолетници, случени во различни делови на градот.
Во првиот случај, 48-годишната Ф.Б. пријавила дека околу 18 часот на подрачјето на Бит Пазар, нејзиниот 15-годишен син бил нападнат од тројца малолетници, од кои еден употребил тврд предмет.
Во вториот случај, 44-годишниот В.Д. пријавил дека околу 14:20 часот во Градскиот трговски центар во Центар, неговиот 14-годишен син бил нападнат од неколку малолетници.
Се преземаат мерки за целосно расчистување на двата случаи.
Црна хроника
Уапсен жител на Батинци откако нападнал полицаец во Центар по сообраќајна незгода

Жител на село Батинци е уапсен рано утринава во Скопје, откако физички нападнал полициски службеник кој постапувал по пријава за нарушен јавен ред и мир во Центар, по сообраќајна незгода.
Инцидентот се случил околу 01:20 часот, а приведениот е 25-годишниот А.Т.
Се работи на целосно документирање на случајот, по што ќе следува соодветен поднесок.
Црна хроника
Тетовец ограбен кај Петровец по договорена средба со пријателка

Жител на Голема Речица вчера бил ограбен на подрачјето на Петровец од две машки лица, од кои едното било вооружено.
Според информациите од полицијата, грабежот се случил откако претходно договорил средба со пријателка од Куманово, па бил пресретнат од лицата кои биле во автомобил.
Му биле одземени пари и мобилен телефон. Се преземаат мерки за целосно расчистување на случајот.