Црна хроника
Двајца се карале – трет го изел котекот

Еден жител на Согле и тројца на Бузалково нападнале сопственик на кафeана. Двајца се карале а Т.И го изел котекот
Кај велешанецот Т.И лекарите од велешката болница констатирале тешки телесни повреди откако пред кафeаната „Боем” бил физички нападнат од четири лица.Настанот се случил неодамна кога деветнаесет годишниот И.Ш. од Согле додека седел во кафeаната започнал расправија, во која имало и туркање, со газдата на споменатиот угостителски објект по што Т.И. како трето лице ги раздвоил. Но откако работите се смириле И.Ш повикал тројца другари од Бузалково и кога велешанецот излегол од кафeаната сите четворица физички го нападнале.Тепачката е пријавена во полицијата, по што е направен увид на лице место, а против сите четири лица е поднесена кривична пријава за нанесување на тешка телесна повреда.На подрачјето на Секторот за внатрешни работи Велес во последните седум дена регистрирани се пет нарушувања на јавниот ред и мир од кои еден случај карање и викање на висок тон, еден случај нарушен јавен ред и мир со омаловажување на службено лице-полициски службеник и три случаја со учество во тепачка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Жена ограбена во Ѓорче Петров

Шеесет и петгодишна жена била ограбена во Ѓорче Петров.
Според информациите на МВР, вчера Г.Ј.(65) од Скопје пријавила дека околу 17.05 часот на подрачјето на Ѓорче Петров, едно лице со употреба на сила и го одзело паричникот со пари и лични документи.
Се преземаат мерки за расчистување на случајот
Црна хроника
Насилници уценувале девојче од Скопје – им дала 25.000 евра за да не го нападнат брат ѝ

Девојче од Скопје било уценувано од неколку соученици дека ако не им даде пари, ќе го нападнат нејзиниот брат кој има здравствени проблеми. На тој начин, девојчето од дома земало и им дало на насилниците 25.000 евра.
Според информациите на МВР, ноќеска во 00.30 часот во СВР Скопје, 52-годишник од Скопје пријавил дека неговата малолетна ќерка, ученичка во основно училиште на подрачјето на Бит Пазар во Скопје, подолг период добивала закани од двајца соученици дека физички ќе го нападнат нејзиниот помал брат, кој е лице со здравствени проблеми, доколку не им даде пари.
Според пријавеното, таа била принудена и во повеќе наврати им давала пари, при што од домот одзела вкупно 25.000 евра.
Се преземаат мерки за расчистување на настанот.
Црна хроника
Дете се отруло од алкохол во Тетово, во неконтактибилна состојба однесено во болница

Малолетник се отрул од алкохол во Тетово и во неконтактибилна состојба е однесено во болница. Поради инцидентот, поднесени се кривични пријави против продавачката и управителот на продавницата од која детето го купило алкохолот.
Според информации на МВР, поднесени се кривични пријави против правно лице, против Т.Б.(44) од Струга, управител на правното лице и против В.Н.(54), вработена во правното лице поради постоење основи на сомнение за сторено кривично дело „точење алкохолни пијалоци на дете“.
Пријавените, без да побараат документи за идентификација, му овозможиле на малолетно лице од Тетово во продажниот објект да купи алкохолни пијалоци, а подоцна, по консумирањето, кај него настанало труење и во неконтактибилна состојба бил пренесен во Медицинскиот центар во Струга.