Поголеми количества стебла канабис сатива во Пелагониско, откри битолската полција. Против 76-годишната старица е поднесена кривична пријава за основано сомнение дека сторила кривично дело „Неовластено производство и пуштање во промет на наркотични дроги, психотропни супстанции и прекурзори“

Од Емилија Јовчевска, БитолаОтсекот за недозволена трговија со дрога при Секторот за внатрешни работи Битола добиле сознанија дека на парцела во нива во местото викано Мученици во атарот на селото Лознани, има засадено и се одгледува поголемо количество стебла од растението канабис сатива.„Во насока на проверување на сознанијата, вчера од страна на полициски службеници од СВР беа преземени мерки и активности, и беше извршен претрес“изјави м-р Ѓоко Стрезовски, портпарол во СВР Битола.На местото каде што се пронајдени стеблата е извршено фотографирање и видео запис, а стеблата ќе бидат испратени во МВР на РМ. „Од страна на полициските службеници, извршен е разговор со сопственичката на нивата, 76-годишна жителка на село Лознани со иницијали Ц.Т.“, вели Стрезовски. Ова е трета поголема количина марихуана пронајдена во пелагониско во последниот месец.Против 76-годишната старица е поднесена кривична пријава од страна на СВР Битола заради основано сомнение дека сторила кривично дело „Неовластено производство и пуштање во промет на наркотични дроги, психотропни супстанции и прекурзори“, по член 215 од кривичниот законик на РМ, пренесе попладнево битолската ТВ Тера.