Црна хроника
Откриен нелегален бутик во Штип
Нелегален бутик за облека и обувки откриен е во приватна куќа во Штип при што е запленета поголема количина стока, за која постои сомневање дека е предмет на кривично дело криумчарење
Како што соопшти денеска Царинската управа, нелегалниот бутик бил пронајден при претрес на царински инспектори од Одделението за истраги, поради основано сомнение дека лицето со иницијали С.Д., од Штип, чува криумчарена стока, која по многу ниски цени ја продава на купувачите. При претресот биле пронајдени и запленети 268 разни производи, од кои 65 пара спортски обувки и кондури, 51 кожни јакни, 33 спортски дресови, 25 горни тренерки и 8 долни тренерки, 27 пара панталони и други производи..За да ги привлече купувачите, осомничениот ја објавил стоката за продажба преку интернет на веб страната „Пазар 3“ во рубрика облека, рекламирал патики, јакни, дресови и друга стока од Германија од познати марки, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Дваесет и тригодишен скопјанец најден починат во домот во Гази Баба
Вчера на подрачјето на Гази Баба, во неговиот дом бил пронајден починат В.М.(23).
Од страна на лекар од Итната медицинска помош констатирана била смрт без видливи знаци на насилство.
Извршен бил увид од полицијата, а по насоки на Јавен обвинител телото на починатиот било предадено на обдукција.
Црна хроника
Тешко повредена струмичанка во сообраќајна несреќа на патот Валандово – Струмица
Денеска, околу 00.25 часот во Полициската станица Валандово било пријавено дека на регионален пат Валандово – Струмица, на место викано „Валандовско брдо“ се случила сообраќајна несреќа помеѓу патничко возило „голф“ со велешки регистарски ознаки, управувано од 31-годишниот К.Т. од Гевгелија и патничко возило „пежо“ со струмички регистарски ознаки, управувано од 30-годишната С.Д. од Струмица, соопшти МВР.
Во несреќата со тешки телесни повреди се здобила С.Д., а со телесни повреди се здобил К.Т., констатирани во Медицински центар Гевгелија, додаваат од МВР.
Увид на местото извршила екипа на Полициската станица Валандово.
Црна хроника
Тројца скопјани искасани од кучиња скитници
Тројца скопјани пријавиле каснување од куче скитник во полициските станици во текот на вчерашниот ден.
На 25.04.2024 во 19.20 часот во Полициската станица Центар, Л.Ш.(42) од Скопје пријавила дека на ул.„Вардарска“ во Скопје била касната од куче скитник.
На 25.04.2024 во 12.00 во Полициското одделение Мирковци, Р.Г.(38) од Скопје пријавил дека во близина на обиколницата Скопје, бил каснат од куче скитник.
На 25.04.2024 во 14.10 часот во Полициската станица Карпош, К.С.(46) од Скопје пријавил дека на ул.„Милан Марковиќ“ во Скопје бил каснат од куче скитник.