Во масовна тепачка што во 3 часот по полноќ се случила во ноќен клуб во Охрид загинал турист од Белград, а неколку лица се повредени и пренесени во општата болница во Охрид, јавува Охрид прес

Во масовната тепачка која рано утрово се случи во ноќен клуб во Охрид загина турист од Белград, а неколку лица се повредени и пренесени во општата болница во Охрид.Инцидентот се случил околу 03:00 часот во клубот „Хавана“ во Охрид кога од засега неутврдени причини настанала масовна тепачка во која учествувале повеќе лица. Во тепачката бил смртно претепан 30-годишен посетител на клубот од Белград, а повреден е негов другар.Според извори на охридското Супер радио, неофицијално, двете групи кои учествувале во тепачката биле српски туристи.Според неофицијални болнички извори за Форум, српскиот турист со тешки телесни повреди најнапред бил пренесен во Охридската болница, каде што им подлегнал на повредите.Пред десетина дена на истата локација се случи групна тепачка во која настрада еден турист од Австралија која поради банална причина бил физички нападнат од двајца охриѓани.Двајца полициски службеници од Охрид, тогаш сакајќи да ја прекинат тепачката, при обид да ги приведат нарушителите, биле спречени од страна на други седум лица од Охрид и Штип што на еден од полициските службеници му беше нанесена тешка телесна повреда и скршеница на показалецот на левата рака.СВР Охрид работи на утврдување на причините на инцидентот.