Црна хроника
Уапсен скопјанец за криминал со платежни картички
![](https://makfax.com.mk/wp-content/uploads/2016/11/73492833-f3dc-4139-98df-ab14efe41302.jpeg)
На граничниот премин Табановце едно лице е уапсено при влез во државата кое било барано со потерница заради дејствување во организирана група која се занимавала со кумпјутерски фалсификат
Единицата за борба против Компјутерски криминал при Одделот за организиран криминал до Основното Јавно обвинителство Куманово поднела кривична пријава против 37-годишен скопјанец, осомничен за сторено кривично дело „правење, набавување или отуѓување средства за фалсификување“, како и за „изработка и употреба на лажна платежна картичка“.Во врска со овој случај кривична пријава поднесена е и против лицето А.Т. (28) од Скопје, за сторено кривично дело „помагање“. Првопријавениот во текот на јули годинава набавил уред за неовластено прибавување на банкарски податоци тјн. скимер, а во истиот период набавил и две лажни платежни картички, додека, пак, А.Т. истите ги прикрила, односно ги чувала кај себе. Тие биле откриени кога на граничниот премин Табановце на влез во Македонија езапрено патничко моторно возило, управувано од пријавениот С.Г., а сопатничка во возилото била А.Т.. Бидејќи по С.Габеров била распишана потерница истиот е приведен. При извршен личен преглед над А.Т. во нејзината чанта пронајден е еден дел од скимер, батерија на напојување, две фалсификувани платежни картички од странски банки и три листа на кои е водена рачна евиденција за извршени трансакции од банкомат, кои со потврда се привремено одземени.Инаку, на 14 јули годинава Одделот за организиран криминал до Основното Јавно обвинителство за организиран криминал и корупција поднесе кривична пријава во отсуство против С.Г. како и против лицата В.Д., неговиот брат Т.Д., П.С. и Л.Ј. за извршени кривични дела „злосторничко здружување“, „оштетување и неовластено навлегување во компјутерски систем“ и „компјутерски фалсификат“, и против истите беше распишана потерница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Црна хроника
Се скарале поради паркинг па му се заканил со пиштол: уапсен тетовец
![](https://makfax.com.mk/wp-content/uploads/2023/04/340100298_727343369082993_245299473340502978_n.jpg)
Вчера во 10.00 часот на улица „146“ во Тетово, полициски службеници од СВР Тетово го лишиле од слобода А.А.(51) од тетовско, затоа што околу 08.50 часот, поради недоразбирање околу паркирање на возила, со пиштол му се заканил на Н.А.(54) од тетовска Мала Речица.
При приведувањето, кај А.А. бил пронајден и одземен пиштол кубура, додека подоцна, со судска наредба, бил извршен претрес во неговиот дом, при што биле пронајдени и одземени пиштол „Црвена застава“ калибар 7.62мм, две рамки за пиштолот и 46 куршуми калибар 7.62мм.
Лицето било задржано во полициска станица и по целосно документирање на случајот против него ќе биде поднесена соодветна пријава, информира МВР.
Црна хроника
(Видео) Претрес кај полициски службеници од Скопско: пронајдено оружје и муниција
![](https://makfax.com.mk/wp-content/uploads/2024/07/6-1-1.jpg)
Вчера полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Одделот за внатрешна контрола, криминалистички истраги и професионални стадарди и СВР Скопје – Единица за недозволена трговија беше извршен претрес во дом кај две лица – полициски службеници за кои претходно беше утврдено дека на социјалните мрежи објавуваат фотографии со оружје.
При претресот, извршен со судска наредба, во нивниот дом во село Сингелиќ, скопско, биле пронајдени една автоматска пушка, два пиштоли, 19 куршуми 9 мм, еден рап во кој има четири рамки за автоматска пушка, пет празни рамки за автоматска пушка, 125 куршуми калибар 7.62×39, пет куршуми непознат калибар, еден револвер, една празна рамка и шест празни рамки кои ги поседуваат без дозвола. Исто така, при претресот во домот и при преглед на возилото на еден од нив било пронајдено и друго оружје и муниција кои ги поседувале со дозвола, соопшти полицијата.
„Подоцна, исто така, со судска наредба, беше извршен и претрес во викенд куќа во село Стрима, општина Липково, каде претходно беше утврдено дека е направена фотографијата и објавена на социјална мрежа, но во неа не беа пронајдени предмети кои потекнуваат од кривично дело.
Со двајцата полициски службеници и нивниот родител, во присуство на адвокат, беа извршени службени разговори, по што беа извршени консултации со јавен обивнителе од Основното јавно обвинителство за гонење на организиран криминал и корупција и против нив ќе биде поднесена соодветна кривична пријава“, информира МВР.
Црна хроника
Повеќе лица агресивно се однесувале кон медицински персонал во болницата во Струга
![](https://makfax.com.mk/wp-content/uploads/2023/02/policija-2.jpg)
Утрово во 00.57 часот во ОВР Струга е пријавено дека во Општата болница во Струга, повеќе лица агресивно се однесувале кон медицинскиот персонал.
Увид на местото увид извршија полициски екипи и дежурен јавен обвинител.
Полицијата соопшти дека се преземаат мерки за расчистување на случајот.