Црна хроника
Едно жртва во сообраќајка на патот Прилеп–Македонски Брод
Едно лице загина а едно е тешко повредено во сообраќајната несреќа која се случила доцна синоќа околу 3:20 часот на регионалниот патен правец Прилеп – Македонски Брод
Сообраќајката се случила кога возило со бугарски регистерски таблици „опел тигра“ на автопатот кај мостот во близина на Институтот за тутун во Прилеп, од засега непознати причини се префрлило на левата лента, која што била предвидена за движење на возила во спротивна насока.Возилото излетало од патот низ блиските ниви и се превртело на покривот од автомобилот.Двајцата патници, излетале од возилото. Дваесет и шестгодишниот прилепчанец, кој го управувал автомобилот со тешки телесни повреди е префрлен на хируршкото одделение во прилепската болница.Сопатникот, на кого се уште не му е познат идентитетот им подлегнал на повредите на пат кон болницата. Неговото тело е предадено на обдукција.Увид на лице место извршил истражен судија и јавен обвинител и се утврдуваат точните причини за несреќата.Од почетокот на годината до денеска во сообраќајни несреќи загинале 95 лица. Во првите шест месеци на македонските патишта животот го загубиле 69 лица, во месец јули 19, а за само десетина дена од месец август на жешкиот асфалт имало 10 жртви.Човекот, неговото внимание, одговорност и култура, експертите ја посочуваат како една од фактори за сообраќајните несреќи. Тука се и неприлагодената брзина, непочитувањето на сообраќајните правила и прописи, како и употребата на алкохол.Во 99 отсто од сообраќајките невниманието на возачот е причина за сообраќајните несреќи, сметаат експертите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.