Црна хроника
По престрелка во Ченто, Мурат Ајвази повторно и побегна на полицијата

Оружена престрелка меѓу полицијата и познат криминалец се случи околу 13 часот во скопската населба Ченто, на последната станица на автобуската линија 45, информираат од МВР
Откако полициски службеници го препознале Мурат Ајвази, осомничен за убиство што го извршил во 2007 година, го предупредиле да застане. Но наместо да се легитимра пред полицајците, Ајвази според првичните информации, се оглушил на предупредувањата и почнал да пука кон нив.Возвратила и полицијата, но не успеала да го совлада Ајвази, тој успеал да избега од местото на инцидентот. Нема повредени полицајци.На асфалтот има траги од крв, но се уште не е утврдено дали се на арачиновецот кој долго време и бега на полицијата. Екипи на МВР вршат увид на местото на инцидентот.Минатата година, на 15 декември Ајвази им побегна на „алфите“. Тие се обидоа да го пресретнат неговиот автомобил, но наместо да запре, Мурат со голема брзина почнал да вози кон селото Страчинци. Иако удри во трактор, успеа да се извлече од автомобилот и најверојатно со помош на брат му да избега во Косово.Полицијата го сомничи Ајвази за убиството на Гоце Завеси од село Бојане, од пред три години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
МВР со детали за сообраќајната несреќа кај „Дајмонд“: 27-годишната скопјанка со повреди пренесена во болница

Вчера во 08.10 часот во СВР Скопје било пријавено дека на крстосница од булеварот Мито Хаџивасилев Јасмин и сервисна улица која води од булеварот кон катна гаража „23 Јули“ во Скопје, патничко возило „сеат алхамбра“ со скопски регистарски ознаки, управувано од Џ.И.(21) од село Никуштак, општина Липково, удрило во пешакот Т.С.(27) од Скопје.
Во незгодата со телесни повреди се здобила Т.С., констатирани во Градската општа болница „Св.Наум Охридски“.
Увид на местото на незгодата извршила екипа од СВР Скопје.
Црна хроника
Возило удри во велосипедист и побегна

Вчера околу 14.35 часот во СВР Тетово било пријавено дека на кружен тек од бул.„Маршал Тито“ во Тетово, патничко возило „фолксваген голф“, удрило во велосипед, управуван од А.А.(55) од Тетово, по што возачот со возилото го напуштил местото на настанот.
Во незгодата со телесни повреди се здобил велосипедистот, констатирани во Клиничка болница Тетово.
Извршен бил увид од увидна екипа од СВР Тетово.
Црна хроника
Приведено лице од скопско, возел со 1,88 промили алкохол

Вчера во 19.00 часот во Делчево, полициски службеници од ОВР Делчево го лишиле од слобода О.Ј.(47) од с.Стајковци, скопско.
При контрола во патниот сообраќај, полициските службеници сопреле патничко возило, кое го управувал, и по преземени мерки било констатирано дека е под дејство на алкохол, односно дека има 1,88 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297 – а од Кривичниот законик – „безобѕирно управување со моторно возило“.